ҚТЖ мұнай өнімдерін үздіксіз тасымалдауды қамтамасыз етуде

 Мұнай өңдеу зауыттарынан жүктерді тасымалдауға барлық өтінімдер 100% қамтамасыз етілуде.

«ҚТЖ» ҰК» АҚ-да мұнай өнімдерін тасымалдау жөніндегі штаб тәулік бойы жұмыс істейді, вагондар қозғалысы ерекше бақылауда. Тиелген және бос вагондарды жылжыту үшін жеке диспетчерлер бөлініп, жылжымалы құрамның нормативтік айналымы қамтамасыз етілген. Мұнай өнімдері бар бірде-бір вагон қозғалыстан уақытша шеттетілген жоқ.

Мұнай өнімдері мен газды тасымалдауды ұйымдастыру үшін жеке операторлардың мамандандырылған вагон-цистерналары пайдаланылады.

Ағымдағы жылдың жеті айында 6,3 млн тоннадан астам бензин, дизель отыны және сұйытылған табиғи газ тиелді.