Қазақстан мен ТМҰ елдері арасындағы теміржол тасымалының көлемі өсуде

Бұл туралы «ҚТЖ» ҰК» АҚ Басқарма төрағасының орынбасары А.Ахметжанов Ыстамбұлдағы Түркітілдес мемлекеттер ұйымының теміржол әкімшіліктері басшыларының екінші отырысында хабарлады.

Түркі мемлекеттері ұйымының құрамына Қазақстан, Әзірбайжан, Қырғызстан, Түркия және Өзбекстан кіреді.

Жыл басынан бері Қазақстан мен Қырғызстан арасындағы теміржол тасымалының көлемі 12%, Түркиямен – 28%, Әзірбайжанмен – 14%, Өзбекстанмен 27% ұлғайды.

Өсіп келе жатқан транзиттік жүк ағынын өткізуді қамтамасыз ету үшін ҚТЖ инфрақұрылымдық қуаттарды кеңейту бойынша жұмыс істеуде. Қазірдің өзінде қалыптасқан маршруттар бойынша да, жаңа перспективалық жобаларды дамыту үшін де жүк ағынын одан әрі арттыру үшін қажетті шаралар қабылдануда.

Достық – Мойынты теміржол учаскесінің екінші жолдары салынуда, Дарбаза – Мақтаарал, Бақты – Аягөз, Алматыны айналып өту желілерін салу бойынша жобаларды іске асыру бойынша жұмыстар жүргізілуде.

Үш жыл ішінде ҚТЖ 1200 шақырымнан астам темір жол салуды жоспарлап отыр. Бұл елдің көлік әлеуетін едәуір арттыруға, экспорттық өнімді тасымалдау тиімділігін арттыруға мүмкіндік береді.