Әрқайсысына қамқорлықпен
"ҚТЖ" ҰК" АҚ - "Магистральдық желі дирекциясы" филиалы қызметкерлердің қауіпсіздігін, әлеуметтік қорғалуын қамтамасыз етуге және лайықты еңбек жағдайларын жасауға бағытталған шараларды қабылдауда.
Жақсартылған техникалық сипаттамалар бойынша арнайы киім сатып алынды. Арнайы киіммен, арнайы аяқ киіммен және жеке қорғаныс құралдарымен қамтамасыз ету процесін автоматтандыру әр қызметкерге шақ келетін сапалы және жайлы арнайы киімдерді мұқият таңдауға мүмкіндік берді.
Бұдан басқа, Филиал вокзал қызметкерлерінің санитарлық-тұрмыстық жағдайларын жақсарту бойынша жұмыс жүргізуде. Тамақтану кабинеттерінде тұрмыстық техника орнатылған, жиһаз және басқа да керек-жарақтар жаңартылған. Үй-жайларға жөндеу жүргізіліп, сантехникалық жабдық ауыстырылды. Жарықтандыру шамдары энергияны үнемдейтін шамдарға ауыстырылды.