Ерен еңбек еленген күн

Жаңалықтар
27.10.2023, 09:05
Суретті түсірген Александр Жабчук
Сұлугүл Бакесова

«Қазақстан теміржолшысы» газетінің тілшісі

«Қазақстан темір жолы» ұлттық компаниясында Республика күні қарсаңында өткен салтанатты жиынды ашқан Басқарма төрағасының орынбасары Қанат Әлмағамбетов барша сала қызметкерлерін ұлық мерекемен құттықтап, қызметте және қоғамдық жұмыста жетістікке жеткен үздіктерді марапаттады.  

– Құрметті әріптестер және сала ардагерлері! Сіздерді егемен еліміздің ең бас ты мерекесі – Республика күнімен құттықтаймын! Бұл мерекенің тарихи маңызы зор. 1990 жылы 25 қазанда ҚР Парламентінде «Қазақстан мемлекетінің егемендігі туралы» декларация қабылданды. Осы құжат халықаралық қауымдастықтың мүшесі ретінде әрі Қазақстанның тәуелсіз мемлекет ретінде дамуына негіз болды. Еліміз талай тар жол, тайғақ кешуден өтті. Теміржол саласына да оңай болған жоқ. Бірақ теміржол сынақтардан сүрінбей өтті. Басқарушылық қасиетін жоғалтпай, инфрақұрылымдарын сақтап қалды. Соңғы отыз жылда 2500 км астам жол салынды. Ол еліміздің барлық өңірін көлік артериясымен байланыстыруға, коммуникация мен тауар айналымын қамтамасыз етуге мүмкіндік берді. Қазір де жалғасуда. Таяу уақытта үш ірі инфрақұрылымдық жоба жүзеге асырылады.

Тоғыз айдың қорытындысы бойынша жүк айналымы 7 пайызға, транзиттік тасымал 21 пайызға, ал экспорттық жүктер 7 пайызға өсті. Жылдың қорытындысы бойынша біз 150 млрд теңге көлемінде таза пайда көреміз деп болжап отырмыз. Бұл санның артында сіздердің күнделікті еңбектеріңіз жатыр, – деді Қанат Әлмағамбетов.  

Бұл күні мемлекеттік марапат алып, мерейі үстем болғандар қатары да қалың болды. «Құрмет» орденімен Магистральдық желі дирекциясына қарасты Электрлендіру және энергетика департаментінің директоры Рысбек Ахметбеков, ІІІ дәрежелі «Еңбек даңқы» орденімен «ҚТЖ-Жүк тасымалы» ЖШС – «Батыс» филиалы Маңғыстау бөлімшесіне қарасты Маңғыстау локомотив пайдалану депосы локомотив бригадаларының аға машинист-нұсқаушысы Руслан Екшембаев, «ҚТЖ-Жүк тасымалы» ЖШС филиалы Ақмола ЖТ бөлімшесіне қарасты Нұр-Сұлтан станциясының жоспарлау-экономикалық бөлімінің бастығы Рахима Тайтөлеева марапатталса, «Ерен еңбегі үшін» медалін Компанияның Маркетинг және транзиттік саясат департаментінің директоры Әйгерім Мұхамедрахимова, Алматы ЖТ бөлімшесіне қарасты Үштөбе станциясының пойыз құрастырушысы Асылхан Қауызбаев, Жамбыл магистральдық желі бөлімшесіне қарасты Жамбыл станциясы өрт сөндіру пойызының бастығы Марат Керімқұлов, Құсмұрын дистанциясының жол бригадирі Асқар Исумбаев, Екібастұз жол дистанциясының шебері Айдар Хамзабаев алды.  

Сонымен қатар биыл алғаш рет ұсынылып отырған «ҚТЖ» ҰК» АҚ дамуына қосқан ерекше үлесі үшін» төсбелгісімен Орталық ардагерлер кеңесінің төрағасы Болатбек Дүйсемалиев, «Досжан темір жолы» АҚ президентінің кеңесшісі Борис Есенаманов, Шымкент ЖТ бөлімшесі техникалық бөлімінің жетекші инженері Людмила Квон марапатталса, Самұрық-Қазына тарапынан «Акционерлік қоғамның құрметті қызметкері» атағына «ҚТЖ» ҰК» АҚ филиалы – Көпфункционалды қызмет көрсету орталығының кадр әкімшілігі департаментінің бас менеджері Сәуле Қалмағамбетова ие болды.  

Ал жүк вагондарының ұлттық операторы «Қазтеміртранс» АҚ басшылығы бір топ үздік қызметкерлерін «Қазтеміртранс» АҚ – 20 жыл» мерейтойлық меделімен, Құрмет грамотасымен, «ҚТЖ» ҰК» АҚ дамуына қосқан ерекше үлесі үшін» төсбелгісімен Татьяна Касаткина марапатталды.  

Ресми бөлімнен соң салтанатты жиынға жиналған жұртшылық теміржолшы өнерпаздардың ән-биден шашу шашқан мерекелік концертін тамашалап, көтеріңкі көңіл-күймен тарқасты.

Жаңалықтар
31.03.2025
Транскаспий дәлізіне Словенияның «Лука Копер» теңіз порты қатысады
Қауіпсіздік
31.03.2025
Өрт сөндіру пойызы дайындықтарын шыңдады
Жаңалықтар
31.03.2025
Аягөз қалпына келтіру пойызы үшін жаңа кран сатып алынды
Аймақтар
31.03.2025
Экология айлығы аясында сенбілік өтті
ҚТЖ келбеті
31.03.2025
Тыл ардагері – тоқсан жаста
Жүк тасымалы / Апта саны
31.03.2025
Теміржолмен жүк тасымалдау екі айда 6,6%-ға өсті
Әлеумет
31.03.2025
ҚТЖ әлеуетті жұмыс беруші
Аймақтар
31.03.2025
Еңбек адамына құрмет
Әлемде
30.03.2025
«Молдова темір жолын» екі компанияға бөлу ұсынылды
Жүк тасымалы
29.03.2025
ҚТЖ-да жүк жөнелтушілермен тасымалдау қорытындылары талқыланды
Жаңалықтар
28.03.2025
Қазақстан мен Өзбекстан теміржолшылары транзитті ұлғайту мәселелерін талқылады
Жүк тасымалы
28.03.2025
ҚТЖ-да астық штабының отырысы өтті
Жолаушылар тасымалы
28.03.2025
ҚТЖ мен iKOMEK109 бірлесіп байланыс орталықтарын жетілдіреді
Қауіпсіздік
28.03.2025
Оқушыларға қауіпсіздік мәселесі түсіндірілді
Қауіпсіздік
28.03.2025
Қауіпсіздік шаралары басты назарда
Трансформация
28.03.2025
Премьер-министр вагон жасау зауытымен танысты
Жаңалықтар / Мұрағат
28.03.2025
«Қазақстан теміржолшысы» газеті, №22-23 28 наурыз 2025 жыл
Жаңалықтар
27.03.2025
Астанада өрт-тактикалық оқу-жаттығулары өткізілді
Аймақтар
27.03.2025
Алматы өңірінде су тасқыны кезеңінде қауіпсіздікті қамтамасыз ету бойынша шаралар қабылданды
Аймақтар
27.03.2025
«Jibek Joly» туристік пойызы – Таразда