Ұлттық киім күні жарияланды
«Қазақстан теміржолшысы» газетінің тілшісі
«Қамқор Локомотив» компаниясы жақсы бір дәстүрді енгізіп отыр. Компания ұжымы әр жұманы «Қазақтың ұлттық киімі күні» деп жариялады.
Локомотивтерге сервистік жөндеу қызметін көрсететін сала қызметкерлері аптаның соңғы жұмыс күнінде қазақтың ұлттық киімін киюді әдетке айналдыруда.
«Қамқор Локомотив» бас директоры Алтай Жұматаевтың жетекшілігімен ұлттық мәдениетті қолдау, қазақтың ұлттық киімдерін дәріптеу, оның мәртебесі мен маңызын насихаттау, достықты нығайтып, ерекше атмосфераны қалыптастыру мақсатында осынау әсем бастаманы қолға алып отырмыз. «Қазақтың ұлттық киімі күні» арқылы біз – қазақ мәдениетінің тереңдігін, сұлулығын көрсетіп, өркениет өрісін кеңейткіміз келеді», – дейді компания қызметкерлері.
«Қамқор Локомотив» – еліміздегі ірі компаниялардың бірі. Ол локомотивтер мен мамандандырылған жылжымалы құрамға техникалық қызмет түрлерін көрсетумен қатар күрделі жөндеу жүргізеді. Сондай-ақ локомотив жабдықтарын, соның ішінде дөңгелек жұптары, электр машиналары және басқа да тартымдық күш тораптарын жөндейді. Компанияда 5 мыңға жуық адам жұмыс істейді.