Ақтөбе станциясында полиция күшейтілген жұмыс кестесіне көшті
Ақтөбе облысы бойынша меншікті тілші
Ақтөбе станциясында «Қауіпсіз жол» жедел профилактикалық іс-шарасы өткізілуде. Осыған орай желілік полиция бөлімінің мамандары күшейтілген жұмыс кестесіне көшті.
«Темір жол – аса қауіпті аймақ. Сондықтан осы аудандағы жүріс-тұрыс қағидасы қатаң сақталуы керек. Аталған жедел профилактикалық іс-шара кезінде көлік обьектілерімен адамдарды басып кету фактісін болдырмау мақсатында теміржолшылар мен еріктілерді қатыстыра отырып, теміржолға жақын орналасқан елдімекен тұрғындарымен қауіпсіздікті сақтау бойынша түсіндірме жұмыстары жүргізілді», – деді Ақтөбе станциясындағы желілік полиция бөлімі әкімшілік полиция бөлімшесінің бастығы Айтұрған Елеусізов.
Тәртіп сақшылары темір жол бойында заң бұзушылық әрекеті жиілегенін айтады. Себебі азаматтардың басым бөлігі ереже сақтамайтын көрінеді.
Темір жол бойындағы рейдтік іс-шара барысында белгіленбеген жерден өткен 22 азамат әкімшілік жауапкершілікке тартылды.
