Батыр Котырев ҚТЖ корпоративтік омбудсмені болып тағайындалды
Батыр Қуанышұлы Котырев «ҚТЖ» ҰК» АҚ корпоративтік омбудсмені болып тағайындалды, деп хабарлайды Rail-news.kz.
Батыр Котыревтың теміржол саласында 30 жылға жуық тәжірибесі бар.
Еңбек жолын 1994 жылы Целинная темір жолының дыбыс беру және байланыс бөлімінің электромеханигі болып бастаған, өндіріс учаскесінің бастығы, өндірістік-техникалық бөлімнің бастығы қызметтерін атқарды.
2017 жылдан бастап «ҚТЖ» ҰК» АҚ бас инженері, «ҚТЖ» ҰК» АҚ Техникалық саясат департаментінің бас инженері - директоры қызметтерін атқарды.
Мәскеу мемлекеттік көлік университетін, Қарағанды экономикалық университетін, Еуропа университетін (Швейцария), Т.Рысқұлов атындағы Экономика университетін бітірген. Бизнесті басқару мамандығы бойынша экономика және бизнес магистрі дәрежесі бар.
Құрметті теміржолшы. Еңбек сіңірген энергетик.
2018 жылдың тамыз айынан бастап «AMANAT» партиясының «Қазақстан темір жолы» ҰК» АҚ-да бастауыш партия ұйымының төрағасы.