Жөндеушілер білімін жетілдірді
«Қазақстан теміржолшысы» газетінің тілшісі
Астанада локомотив жөндеу депосы базасында «Болжам» кешенін пайдалана отырып, «Теміржол техникасының бөлшектері мен тораптарындағы вибрацияның диагностикалау» тақырыбы шеберлік сыныбы өтті.
Бес күндік шеберлік сыныбы «НИИТКД» ААҚ ұйымдастырып, оған Астана, Тараз, Қарағанды, Шар локомотив жөндеу деполары мен Шалқар сервис орталығының жылжымалы құрамдарды жөндеу бойынша слесарлары қатысты.
«Болжам» кешені жылжымалы құрамның бөлшектері мен тораптарының жай-күйін жоғары дәлдікпен анықтауға мүмкіндік береді, бұл теміржол көлігінің қауіпсіздігі мен сенімділігін арттырады. НИИТКД мамандары шеберлік сыныбы барысында теориялық білімдерімен және практикалық дағдыларымен бөлісті. Ал жөндеуші мамандар кешеннің жұмысын нақты мысалдармен зерделей отырып, жаңа білімді тәжірибеде қолдануға мүмкіндік алды. Қатысушылар шеберлік сыныбына үлкен қызығушылық танытып, «Болжам» кешенін пайдалану теміржол техникасына қызмет көрсету сапасын жақсарта түсетініне сенім білдірді.