Ақмола теміржолшылары республикалық ІТ-семинардың жеңімпазы атанды
Елордада жүк тасымалы саласында автоматтандырылған басқару жүйелері мен ақпараттық жүйелердің жұмыс істеуі мәселелеріне арналған IV Республикалық оқыту тренинг-семинары өтті, деп хабарлайды Rail-news.kz.
Іс-шара онлайн форматта өткен өңірлік тренингтер сериясының финалы болды. Республикалық тренингке Маңғыстау, Шымкент, Қарағанды, Семей, Ақмола және Жамбыл жүк тасымалдау бөлімшелерінің өңірлік семинарларының 6 жеңімпаз командасы қатысты.
Тренингтің негізгі мақсаты жүк тасымалында қолданылатын автоматтандырылған басқару жүйелері мен ақпараттық жүйелердің жұмыс істеуі мәселелері бойынша теориялық және практикалық білімді арттыру болды.
"Саланың цифрлық трансформациясы жағдайында мұндай іс-шаралар мамандар арасында оқыту мен тәжірибе алмасуда шешуші рөл атқарады. Сонымен қатар, тренингте теміржол көлігі жұмысының тиімділігін арттыру және тасымалдау қауіпсіздігін қамтамасыз ету үшін цифрландыру саласындағы заманауи үрдістер мен шешімдер қарастырылды", — деп атап өтті тасымалдау процесінің технологиялық жүйелері департаментінің бас менеджері Жазира Өміржанова.
Семинарға қатысушылардың айтуынша, цифрландыру тасымалдау тиімділігін айтарлықтай арттыруға, логистиканы оңтайландыруға және адами фактормен байланысты тәуекелдерді азайтуға көмектеседі.
Тренинг-семинар қатысушыларды даярлаудың жоғары деңгейін және саланы цифрландыруға қызығушылықты көрсетті.
Семинар қорытындысы бойынша жеңімпаздар анықталды. Бірінші орынды Ақмола ЖТ бөлімшесінің "Синегорье" командасы, екінші орынды Семей ЖТ бөлімшесінің "Абай" командасы иеленді. Үшінші орынды Маңғыстау ЖТ бөлімшесінің «Каспийские лидеры» командасы иеленді.
Семинарға 100 жуық маман: командаларға қатысушылар,, өңірлік командаларға қатысушылар арасынан сарапшылар, "Бас есептеу орталығы" ҚТЖ филиалы, Ақпараттық қауіпсіздік қызметі, "ТрансТелеКом" АҚ қызметкерлері, "ҚТЖ-Жүк тасымалы" ЖШС тәуекелдерді басқару мен кадрлық және әлеуметтік жұмыс департаменттерінің өкілдері жиналды.
Іс-шара білім мен тәжірибе алмасып қана қоймай, тасымалдау саласындағы инновациялық шешімдерді дамытудың негізгі бағыттарын белгілеуге мүмкіндік берді. Кездесуді "ҚТЖ-Жүк тасымалы" ЖШС тасымалдау процесінің технологиялық жүйелері департаменті ұйымдастырды.