«Самұрық-Қазына» мен Wabtec басшылары серіктестік мәселесін талқылады
Қор басшысы Нұрлан Жақыпов Wabtec компаниясының Ресей/ТМД, Еуропа, Таяу Шығыс және Африка өңірлері бойынша аға вице-президенті Гохан Байханмен кездесті, деп хабарлайды Rail-news.kz.
Америкалық компания «Локомотив құрастыру зауытына» иелік етеді. Зауыттың негізгі тапсырыс берушісі – Қордың портфельдік компаниясы «Қазақстан темір жолы». Бүгінгі таңда ҚТЖ үшін 582 локомотив (жүк, жолаушылар және маневрлік) жеткізілді.
Қордың сатып алу жүйесінің арқасында ҚТЖ зауыттармен ұзақ мерзімді офтейк-келісімшарттар жасаса алады. Бұл қазақстандық өндірушілерге өнімдерінің өткізілуіне кепілдік береді.
Wabtec өкілі Қордың сатып алу рәсімдері халықаралық транспаренттілік стандарттарына сай екенін айтты.
Ал Нұрлан Жақыпов өндірісті одан әрі жергіліктендіру және ЛҚЗ-дағы қазақстандық қамту үлесін арттырудың маңызын атап өтті.
Бұдан бөлек, 2024 жылы қарашада америкалық компания ҚТЖ-ға жылжымалы құрамды жасанды интеллект негізінде бақылап, диагностика жүргізетін KinetiX жүйесін тегін табыстаған еді. Жүйені 2025 жылы шілдеде қолданысқа беру жоспарланған.