ҚТЖ және CRCT Қытай-Еуропа бағыты бойынша жаңа сервисті іске қосты
“ҚТЖ” ҰК” АҚ еншілес ұйымы - “KTZ Express” АҚ China Railway Container Transport Co., Ltd. (CRCT) бірлесіп Қытай мен Еуропа арасындағы тағы бір бағытты ашатын жаңа контейнерлік қызметті іске қосты, деп хабарлайды Rail-news.kz.
Чэнду қаласынан (ҚХР) Лодзь қаласына (Польша) теледидар компоненттері тиелген алғашқы контейнерлік пойыз жолға шықты.
Пойыз Қазақстан, Түрікменстан, Иран және Түркия арқылы өтетін жолды еңсереді. Маршрут жүктердің үздіксіз жеткізілуін және елдер арасындағы тиімді байланысты қамтамасыз етеді. Сапардың күтілетін уақыты-52-60 күн.
Бұл маршрут өңірдің көлік мүмкіндіктерін кеңейтіп қана қоймай, халықаралық логистиканы одан да икемді, жылдам әрі сенімді етеді. Сервистің іске қосылуы Қазақстанның негізгі транзиттік хаб ретіндегі стратегиялық рөлін растайды және оның әлемдік жүк тасымалы картасындағы позициясын күшейтеді.