Астанада Ақтау портында жаңа контейнер хабының құрылысы талқыланды
2025 жылдың 15 мамырында ҚТЖ - KTZ Express еншілес компаниясының кеңсесінде компанияның стратегиялық серіктесі — «Ляньюньган порты» МК» ЖШҚ өкілдерімен жұмыс кездесуі өтті. Келіссөздердің басты тақырыбы Ақтау теңіз сауда портының аумағында жаңа контейнерлік хаб салу болды, деп хабарлайды Rail-news.kz.
«KTZ Express» АҚ «Ляньюньган порты» МК» ЖШҚ және «Ақтау теңіз сауда порты» ҰК» АҚ бірлесіп іске асыратын жоба Қазақстанның заманауи логистикалық инфрақұрылымын дамытудағы маңызды буын болады. Кездесуге қатысушылар құрылыстың бірінші кезеңімен байланысты негізгі ұйымдастырушылық және техникалық мәселелерге ерекше назар аудара отырып, дайындық пен іске асырудың ағымдағы жайын талқылады.
Осы жылдың соңына жоспарланған бірінші кезең аяқталғаннан кейін болашақ хабтың жобалық өткізу қабілеті жылына 140 мың ЖФБ-ны құрайды. Хаб Қазақстанның транзиттік әлеуетін күшейтуге, маршруттардың байланысын жақсартуға және халықаралық жеткізу тізбегіне қатысушылар үшін жаңа мүмкіндіктерді қамтамасыз етуге арналған.
KTZ Express және Ляньюньган портын он жылдан астам жемісті ынтымақтастық байланыстырады. Осы уақыт ішінде Еуразиялық көлік дәлізінің негізгі нүктелеріне айналған Ляньюньган портындағы қазақ-қытай терминалы және Khorgos Gateway Құрғақ порты сияқты маңызды инфрақұрылымдық жобалар іске асырылды.
