"ҚТЖ" ҰК" АҚ және TCDD Taşimacilik A.Ş. Орта дәлізді дамыту жөнінде келісті

Қазақстан Президенті Қ. К. Тоқаевтың Түркияға ресми сапары аясында "ҚТЖ" ҰК" АҚ мен TCDD Taşimacilik A.Ş. арасында Орта дәліздің теміржол маршруты  бойынша жүктерді тасымалдау үшін бизнесті дамыту және ынтымақтастық туралы келісімге қол қойылды, деп хабарлайды Rail-news.kz.  

Келісім маршруттың тиімділігі мен бәсекеге қабілеттілігін арттыруға бағытталған бірлескен іс-шаралардың кең спектрін қамтиды. Негізгі бағыттардың қатарында:

- Қазақстан мен Түркия арасында тұрақты маршруттық теміржол қатынасын ұйымдастыру;

- Баку - Тбилиси - Карс теміржол учаскесінде тасымалдау көлемін ұлғайту;

- Қытай мен Еуропа/Африка арасындағы жүк тасымалының өткізу қабілетін екі бағытта кеңейту;

- Транзиттік рәсімдерді оңтайландыру және тасымалдау тиімділігін арттыру үшін логистикалық операцияларды үйлестіру;  

- Тауарлардың шекарадан тез өтуін қамтамасыз ету үшін кедендік және әкімшілік процестерді жеңілдету және т. б.

Компаниялар цифрлық шешімдерді бірлесіп дамытуға, оның ішінде контейнерлер мен жылжымалы құрамды тиімді басқару және қадағалау үшін электрондық қағазсыз құжат айналымын енгізуге ниетті.  

Бірлескен инвестициялық жобалар мен бастамаларды іске асыру Қазақстанның көлік-транзиттік әлеуетін дамытуға және оның жаһандық саудадағы рөлін күшейтуге ықпал ететін болады.