ҚТЖ жеті айда 177 млн тонна жүк тасымалдады
«Қазақстан темір жолы» ҰК» АҚ Басқарма төрағасы Талғат Алдыбергенов Үкімет отырысында компанияның 2025 жылғы 7 айдағы қызметінің қорытындылары туралы баяндады, деп хабарлайды Rail-news.kz.
Пайдалану жүк айналымы 162 млрд ткм құрап, 177 млн тонна жүк тасымалданды (+3,9%). Транзиттік тасымалдар 10% - ға, 796 мың ЖФБ контейнерді қоса алғанда, 17 млн тоннаға дейін өсті.
Компания инфрақұрылымдық жобаларды: Мойынты – Қызылжар (360 км), Бақты – Аягөз (272 км) желілерін салуды жүзеге асыруда. Достық – Мойынты (836 км) және Алматы айналма (73 км) учаскелерін 2025 жылдың соңына дейін кезең-кезеңімен іске қосу жоспарлануда. Дарбаза – Мақтаарал (253 км) желісінің құрылысы 2026 жылы аяқталады деп күтілуде.
2025 жылы 840 км жол жөнделді, жылжымалы құрам жаңартылды, цифрлық шешімдер (Tez Customs, Trip Optimizer, KinetiX, теміржолдың цифрлық моделі) енгізілуде. «Бірыңғай цифрлық терезе» бизнес-процестердің ашықтығын қамтамасыз етіп келеді. Trip Оptimizer жүйесі отын шығынын 5% төмендетеді. Tez Customs арқылы транзиттік декларацияларды автоматты түрде шығару рәсімдеу уақытын 16 есеге қысқартты. Жасанды интеллект негізінде смарт-диагностиканы енгізу жоспарлануда. Huawei-мен бірге терминалдарды басқаруға арналған IT-шешімдер іске асырылуда. Тамыз айынан бастап мақсатты АТ- архитектурасын қалыптастыру үшін цифрлық жобаларға аудит жүргізілуде.
Жолаушылар сегментінде де жақсартуға қол жеткізілді. Вагондар паркінің 74% 20 жылға толмаған. Билеттерді онлайн сату үлесі 83% құрады. Пойыздардың кешігуі 37% - ға қысқарды. Пойыздардың орташа толымдылығы-73%.
Сиань – Алматы халықаралық пойызын қоса алғанда, 6 туристік бағыт іске қосылды. ҚР Үкіметінің бағдарламасы аясында 125 вокзал жаңғыртылуда.