ҚТЖ және CRRC басшылығы кездесті

Бейжіңде «Қазақстан темір жолы» ҰК» АҚ Басқарма төрағасы Талғат Алдыбергенов партия комитетінің хатшысы – CRRC Corporation Limited басқарма төрағасы Сунь Юнцай мырзамен кездесті, деп хабарлайды Rail-news.kz.  

Тараптар локомотив жасау және жылжымалы құрамды жаңғырту саласындағы өзара іс-қимыл перспективаларын талқылады. ҚТЖ және CRRC 20 жылдан астам ынтымақтастықта, осы кезеңде теміржол техникасын жеткізу бойынша ірі жобалар іске асырылды.  

ҚТЖ желісінде CRRC шығарған 6000 астам жүк вагоны, 150 жолаушылар вагоны және 100 астам локомотив пайдаланылады. 2024 жылы жасалған 200 локомотив (100 маневрлік және 100 магистральдық) сатып алуға арналған келісімшарт шеңберінде жеткізу кесте бойынша жүзеге асырылады. Дизельді локомотивтер 1520 мм табаңжол кеңістікте сәтті сертификатталған және қазірдің өзінде тасымалдау процесіне жұмылдырылған. Гибридті локомотивтер сынақтан өтуде.

 «Біз қалыптасқан әріптестікті жоғары бағалаймыз және біздің ынтымақтастығымыз ұзақ мерзімді және өзара тиімді болатынына сенімдіміз», – деп атап өтті Т.Алдыбергенов.  

Тараптар стратегиялық ынтымақтастықты одан әрі жалғастыру туралы келісті.  

Анықтама  

CRRC Corporation Limited – теміржол көлігінің әлемдегі ең ірі өндірушісі (әлемдік нарықтың шамамен 50%). Компанияның өндірістік қуаты жыл сайын 2000 астам локомотив, 3000 жолаушы және 50000 жүк вагондарын шығаруға мүмкіндік береді. Өнімдері әлемнің 100 астам еліне жеткізіледі.