ҚТЖ "Таза Қазақстан" акциясы аясында экочелленджге бастау берді
Астанада "Қазақстан темір жолы" ҰК" АҚ "Таза Қазақстан" ұлттық бастамасы аясында ағаш отырғызу бойынша ауқымды экологиялық акцияны бастады. Көгалдандыруға ҚТЖ Басқарма төрағасы Талғат Алдыбергенов пен компания басшылығы қатысып, жеке үлгі көрсетіп, экологиялық жауапкершіліктің маңыздылығын атап өтті, деп хабарлайды Rail-news.kz.
"Нұрлы жол" орталық вокзалының жанына теміржолшылар 250 жуық ағаш отырғызды. №96 аралығында және қаланың әртүрлі аудандарында тағы 4300 астам көшет отырғызылды. Ағаш отырғызу еліміздің барлық өңірлерінде-станцияларда, теміржол бойында және тұрғын алаптар жанында жалғасады.
Бастама экологиялық жағдайды жақсартуға, жасыл аймақтарды құруға және компания қызметкерлері мен тұрғындар арасында табиғатқа ұқыпты қарау мәдениетін қалыптастыруға бағытталған.
Сондай-ақ, ҚТЖ "ҚазМұнайГаз" ұлттық компаниясына экологиялық челлендж эстафетасын тапсырып, әріптестерін бастаманы қолдауға және қоршаған ортаны сақтауға өз үлестерін қосуға шақырды.
"Біз үшін сенімді тасымалдауды қамтамасыз етіп қана қоймай, елдің экологиялық болашағына үлес қосу маңызды. Теміржолшылар дәстүрлі түрде жауапты қоғамның бөлігі және болып қала береді. Бүгін біз болашақ ұрпақ жемісін көретін жұмысты бастаймыз", - деп атап өтті Талғат Алдыбергенов.
ҚТЖ экологиялық акциясы – бұл тұрақты болашаққа, таза ауаға және болашақ ұрпақ үшін салауатты экологияға қосқан үлес.
