Оқытушылар құрамы ҚТЖ-да тағылымдамадан өтті
ҚТЖ-да теміржол бейіндегі жоғары оқу орындары мен колледждердің профессорлық-оқытушылық құрамының тағылымдамасы өтті. Іс-шара тәжірибе алмасуға және білім беру процесіне темір жол саласының заманауи технологияларын енгізуге бағытталған, деп хабарлайды Rail-news.kz.
Бағдарлама аясында қатысушылар «Темір жол көлігінде тасымалдауды ұйымдастыру және қозғалысты басқару» мен «Көліктік логистика және жеткізу тізбегін басқару» тақырыптары бойынша теориялық оқытудан өтті, сондай-ақ бірқатар практикалық сабақтар мен экскурсияларға қатысты.
ҚТЖ-ның инновациялық залында «ҚТЖ-дағы цифрландыру» тақырыбында инфосессия өтті, онда оқытушылар автоматтандыру, цифрлық шешімдер және жасанды интеллект саласындағы компанияда іске асырылып жатқан жобалармен танысты. Сондай-ақ, дәрістер мен тренингтер, соның ішінде «Стресске төзімділік» тақырыбы тақырыбыда өткізілді.
Оқытушылар Теміржол көлігінің орталық мұражайына, Тасымалдауды басқарудың өңірлік орталығына (ТБӨО) барып, Дөңестік автоматтық орталықтандыру (ДАО) және Астана станциясының электр орталықтандыру бекетінің жұмысымен танысты. «Ақпараттық және автоматтандырылған жүйелер» оқу құралының тұсаукесері және «Энергодиспетчерлік тарту» автоматтандырылған басқару жүйесі (ЭДТ АБЖ) бағдарламасымен танысу ерекше қызығушылық тудырды.
Бағдарлама аяқталғаннан кейін сертификаттар табысталды.
Тағылымдама ҚТЖ-ның Қазақстанның оқу орындарымен стратегиялық әріптестігі шеңберінде өткізіледі және қазіргі заманғы теміржол үшін білікті кадрлар даярлауға бағытталған.