Талғат Алдыбергенов теміржолшыларды Республика күнімен құттықтады
«ҚТЖ» ҰК» АҚ басқарма төрағасы Талғат Алдыбергенов теміржолшыларды Республика күнімен құттықтады, деп хабарлайды Rail-news.kz.
Құрметті әріптестер!
Сіздерді Республика күнімен шын жүректен құттықтаймын!
Бұл мереке – халқымыздың тәуелсіздігінің, бірлігінің және ұлттық абыройының нышаны.
Бұл күн бізге еліміздің егемендік алғаннан бергі жүріп өткен даңқты жолын еске салады. Бүгінде Қазақстан экономикасын нығайтып, инфрақұрылымды дамытып, азаматтардың өмір сүру сапасын арттыра отырып, сенімді қадаммен алға жылжуда. Осы даму жолында теміржол саласы ерекше маңызға ие – ол ұлттық экономиканың тірегі әрі өңірлерді байланыстыратын алтын көпір.
Әрқайсыңыз өз еңбегіңізбен көлік жүйесінің дамуына үлес қосып, пойыздардың үздіксіз қозғалысын, сенімді логистиканы және экономиканың тұрақтылығын қамтамасыз етесіздер. Темір жол қалалар мен адамдардың жүрегін жалғап, еліміздің бірлігі мен өркендеуіне қызмет етуде.
Барлық теміржолшыларға кәсібилігі, адалдығы және жауапкершілігі үшін алғыс айтамын.
Бұл мереке баршамызға шабыт пен жігер беріп, Отанымыз – Қазақстанның игілігі мен болашағы жолында жаңа жетістіктерге жетелей берсін!
Талғат АЛДЫБЕРГЕНОВ,
«ҚТЖ» ҰК» АҚ басқарма төрағасы