ҚТЖ-да Alstom-ның қатысуымен жыл сайынғы техникалық семинар өтті
ҚТЖ-да «ҚТЖ – Жүк тасымалы» ЖШС, «ҚТЖ – Жолаушылар локомотивтері» ЖШС және KZ8A және KZ4AT сериялы электровоздарды өндіруші Alstom компаниясының қатысуымен жыл сайынғы техникалық семинар өтті, деп хабарлайды Rail-news.kz.
«Біздің Alstom-мен бірлескен тарихымыз 11 жылдан асады. Осы уақыт ішінде біз өзара сенім, кәсіби өзара іс-қимыл және тұрақты жұмыс процестерін құрдық. Alstom-мен серіктестіктің арқасында біз өңірдегі ең сенімді локомотив парктерінің бірін құра алдық», – деп атап өтті «ҚТЖ – Жүк тасымалы» ЖШС Бас директоры Асан Үмбетов.
Семинар барысында техникалық мәселелер ғана емес, сонымен қатар локомотивтерді пайдалануды жүйелі жетілдіру, сенімділікті арттыру, қызмет көрсету процестерін оңтайландыру, сондай-ақ ұзақ мерзімді даму үшін жаңа шешімдер іздеу мәселелері талқыланды.
ҚТЖ пайдалануында KZ8A сериялы 180 электровоз бар. Жедел қолдаудың және локомотивтердің жауапты өндірушісі – «ЭҚЗ» ЖШС тарапынан сервистік сүйемелдеудің жоғары деңгейі арқасында локомотив паркінің сенімділік көрсеткіштері 96% деңгейінде тұрақты ұсталып тұр, бұл белгіленген жоспарға 95-97% сәйкес келеді және техниканың жоғары сапасын растайды.
Семинар тәжірибе алмасу, әріптестік байланыстарды нығайту және Қазақстанның теміржол көлігінде локомотивтерді пайдалану тиімділігін арттыру үшін маңызды алаңға айналды.