Астанада ҚТЖ-ның XIV республикалық жастар форумы аяқталды
Астанада «Қазақстан темір жолы» ҰК» АҚ-ның XIV республикалық жастар форумының салтанатты жабылуы өтті, деп хабарлайды Rail-news.kz.
Іс-шара Қазақстанның ұлттық теміржол тасымалдаушысының өршіл және белсенді өкілдерін біріктіре отырып, еліміздің түкпір-түкпірінен 250 астам жас, үздік мамандарды жинады. «Қазақстан темір жолы» ҰК» АҚ Басқарма төрағасы Талғат Алдыбергенов жас кадрларды компанияның трансформациялық процестеріне, инновациялық жобалары мен стратегиялық бастамаларына тартудың маңыздылығына назар аудара отырып, жастардың саланы дамытудағы басты рөлін атап өтті.
Форум ашық диалог, тәжірибе алмасу және шабыт алу алаңына айналды.
«ҚТЖ» ҰК» АҚ корпоративтік мәдениетті нығайтуды, жас таланттарды дамытуға инвестиция салуды жалғастыруда.
ҚТЖ XIV республикалық жастар форумының маңызды ерекшелігі халықаралық делегациялар – Ресей, Қырғызстан, Моңғолия және Армения теміржол компаниялар жастар ұйымдары өкілдерінің қатысуы болды. Бұл форумға ерекше мәртебе беріп, еуразиялық кеңістіктегі жастар диалогының өсіп келе жатқан маңыздылығынпаш етті.
Сондай-ақ, «Қазақстан темір жолы» ҰК» АҚ Басқарма төрағасы Талғат Алдыбергенов жастармен мазмұнды кездесу өткізді. Жылы рәуіште қатысушылар кадрлық әлеуетті дамытудың, кәсіби дағдыларды арттырудың және жас қызметкерлердің мансаптық өсу мүмкіндіктерін кеңейтудің өзекті мәселелерін талқылады. Жастар өздерінің жоспарларымен, бастамаларымен және компанияның болашағына деген көзқарастарымен бөлісті.
Өз кезегінде ҚТЖ басшысы жас мамандар – инвестициялар салу басымдықты болып табылатын стратегиялық ресурс екенін атап өтті. ҚТЖ-да жастардың әлеуетін ашу үшін барлық жағдайлар: оқытудың цифрлық платформалары, тәлімгерлік, мансаптық даму жобалары жасалуда.
