Астана әкімдігі жастар арасындағы кәсіби бағдар жұмысы үшін ҚТЖ-ны атап өтті
Астана қаласының әкімдігі «Қазақстан темір жолы» ҰК» АҚ-на елорда оқушылары мен студенттері үшін кәсіптік бағдар беру жұмысын ұйымдастыруға қолдау көрсеткені үшін, сондай-ақ Мемлекет басшысы жариялаған «Жұмысшы мамандықтар жылы» шеңберінде әлеуметтік маңызы бар бастамаларды іске асыруға қосқан үлесі үшін грамота табыс етті, деп хабарлайды Rail-news.kz.
«Жұмысшы мамандықтар жылы» аясында ҚТЖ Теміржолшылар кәсіподағымен және Астана қаласының әкімдігімен бірлесіп «Астана қаласының оқушылары мен студенттеріне арналған кәсіптік бағдарлау экскурсиялары» жобасын іске асырды.
Жобаны іске асыруға үлес қосқан ҚТЖ қызметкерлері, ҚТЖ Орталық музейінің меңгерушісі Ақмарал Молдашева, Теміржол көлігі персоналын бағалау және дамыту орталығы директорының өндірістік оқыту жөніндегі орынбасары Ирина Қапанова, БАҚ-пен жұмыс департаментінің бас менеджері Любовь Подоляк, Орталықтың оқу-әдістемелік жұмысы бөлімінің бас менеджері Виктор Отрощенко, оқу орындарымен өзара іс-қимыл тобының менеджері Сейтқазы Қарашев алғыс хаттармен марапатталды.
ҚТЖ Орталық мұражайына 1200 астам оқушы мен колледж студенттері келді. Мұражай апта сайын 100 жуық келушіні қабылдады.Бағалау орталығына 600 жуық қонақ келді, әр сейсенбіде тақырыптық кездесулер мен экскурсиялар өткізілді. Қатысушылар теміржол саласымен, мамандардың еңбек жағдайларымен, заманауи технологиялармен танысты.