ҚТЖ қызметкерлердің санитарлық-тұрмыстық жағдайларын жақсартуда
2025 жылы Санитарлық-тұрмыстық жағдайларды жақсарту бағдарламасы аясында «ҚТЖ» ҰК» АҚ – «Магистральдық желі дирекциясы» филиалы Астана электрмен жабдықтау дистанциясының әкімшілік-тұрмыстық корпусына ағымдағы жөндеу жүргізілді, деп хабарлайды Rail-news.kz.
Әкімшілік және тұрмыстық объектілерді ресімдеу стандарттарына толық сәйкес келтірілген ғимараттың қасбеті жаңартылды. Іргелес аумақ абаттандырылып, ішкі үй-жайлар қайта жаңартылды, жайлы және қауіпсіз жұмыс ортасын құруға мүмкіндік берген сыртқы сумен жабдықтау және кәріз желілері ауыстырылды.
Дистанцияның 90 жылдығына орай демалыс аймағы бар жаңа аллея ашылды: ағаштар отырғызылып, қызметкерлер мен қонақтар үшін жайлы кеңістік құрылды.
Осы іс-шараларды іске асыру жайлылықтың, функционалдылықтың және корпоративтік стильдің оңтайлы үйлесімін қамтамасыз ете отырып, ұжым үшін лайықты еңбек жағдайларын қалыптастыруға мүмкіндік берді.
2025 жылы «ҚТЖ – Жүк тасымалы» ЖШС әлеуметтік бағдарламасы аясында күрделі жөндеу жүргізіліп, 15 нысан пайдалануға берілді. Атап айтқанда Арқа, Есіл, Отар, Бейнеу, Матай, Атбасар, Достық, Ганюшкино, Қызылжар, Ағадыр, Атырау, Сағыз және Орал станцияларында орналасқан локомотив бригадаларының 13 демалыс үйінде жұмыстар орындалды.
Бұдан басқа, Астана станциясының локомотивтерге техникалық қызмет көрсету пунктіне (ЛТҚП) және Есіл станциясының депо кеңсесінің ғимаратына күрделі жөндеу жүргізілді.
«ҚТЖ – Жүк тасымалы» ЖШС тарихында алғаш рет Қарағанды-Сұрыптау станциясында локомотивтерге техникалық қызмет көрсету пунктінің заманауи технологиялық ғимаратының құрылысы жүзеге асырылуда. Жаңа объект өндірістік инфрақұрылымның маңызды элементіне айналады және Қазақстан өңірлері арасындағы тұрақты байланысты қамтамасыз ете отырып, локомотив паркіне қызмет көрсету тиімділігін арттыруға мүмкіндік береді.
Тобыл станциясының тепловоз депосының ғимараттарында, ТО-2 және ТО-3 цехтарында, сондай-ақ Көкшетау станциясындағы қызметтік-тұрмыстық үй-жайларда (әкімшілік-тұрмыстық корпус және локомотив бригадаларының демалыс үйі) және Қандыағаш станциясының локомотив бригадаларының демалыс үйінде күрделі жөндеу жұмыстары бір мезгілде жалғасуда.
2025 жылғы бюджет шеңберінде ағымдағы жөндеу 18 ғимарат пен құрылыста орындалды. 2026 жылға арналған күрделі салымдар жоспарында 34 объектіде күрделі жөндеу және 26 объектіде ағымдағы жөндеу жүргізу көзделген.
Осы жобаларды іске асыру санитарлық-тұрмыстық және өндірістік жағдайларды едәуір жақсартуға, еңбекті қорғау деңгейін арттыруға, қолайлы жұмыс ортасын қалыптастыруға, сондай-ақ тасымалдау процесінің тиімділігі мен сенімділігін арттыруға мүмкіндік береді.