Алматы айналма желісінің жобасы ХҚК марапатына ие болды
«ҚТЖ» ҰК» АҚ басшылығы Дүниежүзілік банк - Халықаралық қаржы корпорациясы (IFC) бөлімшесінің жаңа өңірлік директоры Лиза Кестнермен кездесу өткізді, деп хабарлайды Rail-news.kz.
Басты нәтиже Алматыны айналып өту желісі құрылысын қаржыландыру жөніндегі мәмілені сәтті жапқаны үшін «ҚТЖ» ҰК» АҚ қаржы блогына беделді награда тапсыру болды.
Бұл жоба Қазақстан үшін тарихи болды: алғаш рет IFC және Азия инфрақұрылымдық инвестициялар банкі (AIIB) капиталды елдің т/ж саласына бағыттады. Бұдан басқа, Standard Chartered және Инвестициялық кепілдіктер жөніндегі көпжақты агенттік (MIGA) сияқты алыптардың қатысуы «ҚТЖ» ҰК» АҚ-ның қаржылық ашықтықтан экологиялық жауапкершілікке дейінгі ең қатаң әлемдік стандарттарға сәйкестігін растайды. Компания командасы осы күрделі, көпжақты мәмілені құрылымдаудағы ең жоғары кәсібилігі үшін марапатталды.