Кадр мәселесінде біліктілік арттырмақ

Жаңалықтар

27.10.2017, 09:36

Кеше «ҚТЖ» ҰК» АҚ филиалы – Темір жол персоналын дамыту және бағалау орталығы мен Адам ресурстарын басқару департаментінің ұйымдастыруымен Ұлттық компания филиалдары мен еншілес ұйымдарының кадрларды басқару бойынша қызметпен айналысатын қызметкерлеріне арналған екі күндік семинар басталды. Екі күндік семинардың мақсаты – кадрларды басқару ісімен айналысатын мамандардың білімін жетілдіріп, біліктілігін арттыру. Бұл шараның артықшылығы, семинарды сырттан келген адамдар емес, Ұлттық компанияда жұмыс істеп жатқан Темір жол персоналын дамыту және бағалау орталығының, сондай-ақ, Адам ресурстарын басқару департаментінің мамандары, яғни күнделікті жұмыстың қыз-қыз қайнаған ортасында жүрген мамандар жүргізеді, олар ҚТЖ-дағы кадр мәселесіне қатысты барлық ереже, нормативті-құқықтық актілер, тағысын тағы заңдық құжаттармен жете таныс. Бүгін семинар Астанада басталып отыр, алдағы аптадан бастап Қазақстанның барлық өңіріне іссапарға шығып, осындай семинарлар ұйымдастыратын боламыз. Бұл семинарлар барысында кадрларды басқару мамандары ҚТЖ-ға енгізілген жаңашылдықтармен, соны ереже, заңнамалармен кеңінен танысып, өздерінің жұмыс барысындағы әлсіз тұстарын анықтауға, олқылықтарды жоюға, ең бастысы, өз қызметтерінің жаңа қырын ашып, өз ісінің сауатты маманы болуға мүмкіндік алады, – дейді Темір жол персоналын дамыту және бағалау орталығының қызметкері Рустам Әлімханов. Семинардың бірінші күнінде кадр саясаты, кадрлық іс жүргізу, біліктілік анықтамалығы, еңбекпен қамту бойынша комиссия жұмысы, кадр таңдау, іздеу, ұжымдық шарт, еңбек ақы төлеу, ынтыландыру, әлеуметтік саясат мәселелері қарастырылса, екінші күні күн тәртібінде бизнесті трансформациялау, бағалау, аттестациялау, таланттарды басқару, бейімдеу, тәлімгерлік, сонымен қатар «Магистратура/Доктарантура» бағдарламасы бойынша гранттар, оқу, даму, ішкі жаттықтырушылар, сондай-ақ, «Магистраль» бағдарламасы бойынша грант және Компания президентінің атаулы стипендиясы, өндірістік оқыту, практикалар мен іс-тәжірибелерді ұйымдастыру мәселелері шығарылуда. Семинар лекторлары қатысушылар сұрақтарына жауап беріп, әр тақырып бойынша талқылаулар өткізбек.

Кадр мәселесінде біліктілік арттырмақ

Басқа да жаңалықтар