Электропойыздарды жөндеу сапасы жаңа деңгейге көтерілді
«Қазақстан теміржолшысы» газетінің тілшісі
«Қамқор Локомотив» серіктестігіне қарасты Шу локомотив жөндеу зауыты электропойыздарға жаңа қызмет көрсету түрін меңгерді.
ҚТЖ-ның тапсырысымен Шу зауыты ЭД9М сериялық электропойыздарға ТО-3 және ТО-6 көлемінде техникалық қызмет көрсетуді бастады.
Бұл жөндеу түрін меңгеру кәсіпорынның өндірістік мүмкіндіктерін кеңейту және жылжымалы құрамға қызмет көрсету сапасын арттырудағы маңызды қадам болып отыр. ТО-3 және ТО-6 аясында зауыт мамандары электропойыздардың сенімділігі мен қауіпсіз эксплуатациясын қамтамасыз етуге бағытталған кешенді жұмыстарды атқарады. Олардың қатарында терзелерді жуу, электр шкафтарына қызмет көрсету, жарықтандыру құралдарын жөндеу және ауыстыру, сондай-ақ ақаулы түйіндер мен бөлшектерді ауыстырып, қалпына келтіру жұмыстары бар.
Осы арада арнайы назар – шатырлық, механикалық, кузовтық және автотежегіш жабдықтары, электрлік және электрондық аппараттар, қауіпсіздік құралдары сияқты негізгі жүйелерге аударылып отырғанын айтар едік. Сондай-ақ беріліс қорабының техникалық жағдайы, оның ішінде май деңгейі тексеріледі. Бұл шаралар ақауларды уақытылы анықтап, жоюға мүмкіндік береді және де жылжымалы құрамның қызмет ету мерзімін ұзартып, жолаушыларды тұрақты әрі қауіпсіз тасымалдауды қамтамасыз етеді. Осы сериядағы электропойыздарға техникалық қызмет көрсетуді меңгеру зауыт мамандарының жоғары кәсіби құзыреттілігін растап отыр.