Күрделі жөндеуге дайындық
Жаңалықтар
30.03.2018, 16:56
![](https://rail-news.kz/uploads/posts/old/railnews5bc4945f85c230.26488651.jpg)
Бүгінде ел шығысындағы Аягөз жол дистанциясы қызметкерлерінің әр күні қарбаласқа толы. Кешегі бүкіл елді топалаң келгендей жайпап өткен су тасқынының бетін қайтарғандары сол, белгіленген телім бойларында жүргізіліп жатқан ағымдық жөндеу жұмыстарын ширатып, алдағы уақытта өтетін, станция басын қамтитын 9,6 шақырымдық күрделі жөндеу жұмыстарына даярлық жасауды бастап жіберген.
Әрине, бұл ретте негізгі күш жолшылар қауымына түсетіні белгілі. Осы қарбалас кезде станция басында кең көлемде жұмыс жүргізіп жатқан аягөздік атақты жол шебері Қазбек Қамбаров пен оның командасын айтпай кетуге болмайды.
Қазбек Қасымұлын станция басындағы «Солтүстік қылтада» кезіктірдік. Табиғаттың қолайсыздығына, жауын-шашынды, жердің тоңы жібімеген, аяздың ызғары қайтпағанына қарамастан аягөздік жолшылар білікті жол шеберінің жетекшілігімен бағыттамалы бұрмаларға ағымдық жөндеу жүргізу үстінде екен.
– Менің қарамағымда 22 бағыттамалы бұрма бар. Оның 12-сі станциялық жолдарға жатады. Одан өзге қосылған кірме жолдар мен жол өтпелеріне техникалық күтім жүргізудеміз. Қозғалыс қауіпсіздігін сақтауда осы ағымдық күтімнің маңыздылығы зор, – дейді жол шаруашылығында 28 жыл тер төгіп келе жатқан жол шебері.
Жалпы Солтүстік қылтаға қарасты 6-шы околодкадағы жұмыс қашан да тым қауырт. Мұнда әр телім жекелеген бригадаларға бөлініп берілген. Бүгінде білікті жол шеберінің қарамағында бес бригадир, 15 жол монтері бар. Басты міндет – уақыты жеткен шпалдарды, төсеуіштерді жаңалап, рельстер мен бағыттамалы бұрмаларды мерзімінде әрі сапалы ауыстыру. Сондай-ақ, станция басында ағымдық жұмыстар жүргізу. Қазбек Қамбаров әр бригадаға жұмыс барысын жіті түсіндіріп, тиісті тапсырмалар беруде. Өз ісіне аса мұқият жол шебері техникалық құрылғыларға, жолшыға қажетті құрал-жабдықтарға да баса назар аударады екен. Бұл – отыз жылға жуық қалыптасып қалған әдеттегі дағдысы деуге болады. Сонау қатардағы жолшы болып жүрген жылдары асай-түсейін түгендеп жүретін әдеті.
– Теміржолшы үшін қауіпсіздік – басты мәселе. Оның ішінде біздің жұмысымызда, жұмыс барысындағы еңбек қауіпсіздігі өз алдына жеке әңгіме. Сонымен қатар, пойыз қозғалысының, жолаушылардың да амандығы біздің қызметімізбен тікелей байланысты. Міне, нағыз жолшы осының барлығын жан-жүрегімен сезіне білгенде ғана нағыз майталман маманға айналады, – дейді Қазбек Қасымұлы.
Қазбек шебер басшылармен бірге ай сайынғы тексеру жұмыстарына да міндетті түрде қатысады. Мұнымен қатар, арнайы бұйрық негізінде айына екі мәрте өзі де жол бойына тексеру жүргізеді. Қырағылық – ең басты қаруы. Жұрт көрмегенді көріп, байқамағанды байқайтын қасиеті көп жылғы қанға сіңген әдеттен қалыптасқан деп санайды.
– Таңертеңгісін ғана жарты сағаттық жиын өткізіп, күн тәртібіндегі шаруаны пысықтап алып, жол бойына шықтық. Жұмысқа аттанарда жолшылардың қорғаныш көзәйнектері мен басқа да қажетті керек-жарақтарын Қазбек Қасымұлы өзі түгендеп шықты. Егер жолшылардың қолынан сапасыз еңбек құралын көрер болса, табан астында сөгіс береді, – дейді шебер туралы 6-шы околодканың жол бригадирі Қанат Қуандықов.
Бүгінгі таңда атқарылып жатқан шаралар биылғы жылға жоспарланған іргелі шаруалардың тек шағын ғана бөлігі екен. Алдағы уақытта 22 және 21-жол айрықтары аралығында күрделі жөндеу жұмыстары жүргізілмек. Демек, білікті жол шебері Қазбек Қасымбекұлы мен оның командасы үшін нағыз еңбек майданы алда деген сөз.
Қуаныш Қожаев, Аягөз
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді