Тарихи жәдігерлер құны шексіз   

Жаңалықтар
22.05.2018, 14:05
18 мамыр – Халықаралық мұражай күніне орай «ҚТЖ» ҰК» АҚ Техникалық орталығының ғылыми техникалық ақпараттық блогы ұлттық компанияның бас ғимаратында арнайы көрме ұйымдастырды.          Халықаралық мұражайлар қауымдастығының бастамасымен әлемдік деңгейде 40 жылдан бері аталып келе жатқан бұл күнді теміржолшылар биыл атаусыз қалдырмады. – Бұл күнді компанияда осылай атап өтуіміз тегін емес. Себебі біздің қоғам құрамындағы құрылымдық бөлімшелердің бәрін қоса алғанда 22 өндірістік мұражай жұмыс істейді екен. Соның 14-і инфрақұрылым дирекциясына қараса, жеті мұражай «ҚТЖ-Жүк тасымалы» акционерлік қоғамына қарасты және біреуі «Жолаушылар тасымалы» АҚ қарамағында. Міне, бүгінгі көрмеде осы мұражайлардың еліміздің қай өңірінде орналасқандығын көрсететін арнайы карта жасаттық. Бұған қоса осы күнге арнап еліміздегі теміржол мұражайлары туралы шағын ақпараттық талдау жасалған кітапша түріндегі шолу дайындадық. Мұнда әрбір мұражайдың қалай құрылғаны туралы тарихи деректер келтірілген. Олардың негізгі залдары, маңызды экспонаттарынан суреттер салдық. Бұл шолу кітапша Қазақстан теміржолы тарихында бірінші рет басылып шығып отыр. Енді олар еліміз бойынша теміржол саласындағы 36 техникалық кітапханадан бөлек компанияның барлық мұражайларына, әрбір ардагерлер кеңесінің орындарына қойылатын болады, – дейді Техникалық орталықтың бас менеджері Наталья Смольянова.       Сонымен қатар теміржолшылар өздерінің қызметтік ортақ компьютерлік желісінен осы шолу кітапшаның электронды нұсқасын ашып, оқи алатын мүмкіндік жасалды. Мұражай ненің құрметіне құрылған, мәселен, мекеменің қандай да бір мерейтойлық тарихына байланысты ашылған болар, сол туралы және кімнің бастамасымен құрылған, әрбір мекемені алғаш басқарған басшылар кімдер, сол сияқты құнды мәліметтер қамтылған. – Елбасымыз айтқандай, өткеннен сабақ алмай, болашаққа бағдар жасай алмайсың, тарих бізге сол үшін керек. Ал сол өткен күннің белгісі, ізі осы мұражайларда жатыр. Бұл сонымен қатар қызметкерлеріміздің патриоттық сезімін де арттырары сөзсіз. Компанияның Техникалық орталығы ғылыми техникалық ақпараттық блогының бұл бастамасын жыл сайын дәстүрге айналдырмақпыз. Компания басшылығы теміржолдың мұражай ісін дамытуға қашан да қолдау білдіріп келеді. Осындай шаралар арқылы ардагерлерімізді де, қызметкерлерімізді де теміржолдың мұражай ісін дамытуға атсалысуға шақырамыз. Яғни, ел теміржолымен байланысты құнды жәдігерлері, дүниелерін өткізіп, қорымызды байыта алады. Мәселен, өз қалауларымен қандай да бір экспонаттар, жұмыс формалары, құнды құжаттар, төс белгілерін өткізуіне болады. Бұл бір жағынан осы дүниелердің мәңгілік мұра болып сақталуына кепіл, әрі келер ұрпаққа жетер, оларға өткеннен мәлімет берер тарихи жәдігер болып қалары сөзсіз, – дейді ұлттық компанияның техникалық орталығы директорының орынбасары Айман Әлімжанова.           Көрмені сала мамандарымен қатар болашақ теміржолшы болатын студенттер де келіп тамашалады. Шағын көрмеге негізінен техникалық кітапхананың мәдениет пен өнер бөлігінен әкелінген әлем мен Қазақстанның тарихы, өркениеті, мұражайлары туралы өткен ғасырда жарық көрген құнды кітаптар мен журналдар да қойылған.

Райхан РАХМЕТОВА

Әлеумет
29.11.2024
«Саламатты Қазақстан» пойызы Жамбыл облысында
Әлеумет
29.11.2024
Өз тіліңді құрметте...
Жүк тасымалы
29.11.2024
ҚТЖ: транзиттік әлеуетті дамытуға мүдделі
ҚТЖ келбеті
29.11.2024
Білікті маманның жетістігі мол
Инфрақұрылым
29.11.2024
Атырауда жетпіс шақырым жол жаңартылды
Жаңалықтар / Мұрағат
29.11.2024
«Қазақстан теміржолшысы» газеті, №101 29 қараша 2024 жыл
Жаңалықтар
28.11.2024
ҚР, ҚХР және РФ e-commerce саласындағы байланыстарды нығайтуда
Жүк тасымалы
28.11.2024
Қарашада ҚТЖ желісі бойынша 1 млн тоннадан астам астық жөнелтілді
Аймақтар
28.11.2024
Кәсіподақ төрағасы түбекке келді
Аймақтар
28.11.2024
Пойыз құрастырушы құрметті демалысына шықты
Аймақтар
28.11.2024
Көлік полицейлері вокзалда ұсақ бұзақылық жасаған төрт адамды ұстады
Жаңалықтар
28.11.2024
Елден тысқары жерлерде «құрғақ порттар» желісін құруға басымдық береміз – Тоқаев
Жаңалықтар
28.11.2024
ҚТЖ мен ФинИнвест ынтымақтастық туралы меморандумға қол қойды
Жаңалықтар
28.11.2024
ҚР, РФ және ҚХР терминал салып, бірыңғай цифрлық платформаны пайдаланатын болады
Жаңалықтар
28.11.2024
ҚТЖ мен Ресей темір жолдары бірқатар келісімге қол қойды
Аймақтар
27.11.2024
Кырағы күзет қызметінің сарбаздары
Жүк тасымалы
27.11.2024
Транзиттік вагондар ағыны артты
Әлемде
27.11.2024
Румынияда алғашқы Coradia Stream пойызы іске қосылды
Жүк тасымалы
27.11.2024
Құрық портындағы жаңа астық терминалы экспортқа мүмкіндік ашады
Жаңалықтар
26.11.2024
Жаңа темір жолдардың құрылысы кезінде 157 көпір салынады