Жұмыла көтерсе – жүк жеңіл
Жаңалықтар
22.05.2018, 14:34
![](https://rail-news.kz/uploads/posts/old/railnews5bc495e5202006.79008798.jpg)
Өткен наурыз айында алдымен Аягөз қаласында, соңын ала Семей шаһарының Ертіс жағалауында орын алған көктемгі су тасқыны теміржолшы қауымын да біршама әбігерге салған болатын. Аталмыш табиғат апатынан зардап шеккен сала қызметкеріне көмек көрсетілуде.
«Жұмыла көтерген жүк жеңіл» демекші, үй-жайлары бүлініп, дүние-мүлкі жарамсыз болғандарға бірінші кезекте жұмыс берушілер тарапынан жәрдем көрсетілді. Мысалы, олардың қатарында әскерилендірілген күзет қызмткерлері де бар. Бүгінде «Құрметті теміржолшы» Асхат Искаков басқаратын «Әскерилендірілген теміржол күзеті» АҚ Семей филиалы – ел шығысындағы желі бойын тұтас қамтып жатқан іргелі мекеме. Бүгінде 800-дің үстінде қызметкері бар филиалдың бірнеше қызметкері көктемгі табиғат апатынан залал шеккен болатын. Әуелгі кезекте Аягөз станциясындағы команданың қос мүшесінің үйлері тасқын су кесірінен бүлінді. Оларды ӘТЖК АҚ Семей филиалы басшылығы ұжым мүшелерін қиыншылықта қалдырған жоқ. Мекеменің кәсіподақ ұйымымен бірлесе отырып, ақылдаса келе, заң аясында қомақты көмек көрсетті. Филиалдың барша қызметкерлері тайлы-тұяғы қалмай бір күндік жалақыларын аударып, қаржылық жәрдем жасады. Ол үшін зардап шегушілер арнайы тіркелген есепшот ашқан болатын. Осылайша бір миллионнан аса қаражат соңғы тиынына дейін қайырымдылық ретінде табиғи апат зардабын шегушілерге толық берілді. Бір-ақ сәтте үй-жайы бүлініп, мал-мүкәммалынан айрылып қалған жандарға бұл үлкен көмек болғаны анық.
Десек те, апат айтып келмейді. Араға екі аптадан аса уақыт салып, қар суымен молайған Ертіс суы ернеуінен асып, Семей шаһарының бәзбір аудандарын да басып қалды да, ӘТЖК-нің жергілікті үш қызметкерінің үйін ағын су шайып өтті.
Төтеннен келген бұл оқыс жайт та Асхат Искаков бастаған күзетшілер ұжымын бей-жай қалдырған жоқ. Мекеме директорының орынбасары Арай Шаменов пен кәсіподақ төрағасы Амантай Қатпеновтер қиыншылыққа ұшыраған әріптестерінің жанынан табылып, олардың отбасы алғашқы көмек алуларына күш салды.
– Мекеме басшылығымен бірге үйлері табиғат апатына ұшыраған, көңілі сынық әріптестерімізге арнайы бардық. Аулаларында тасқынмен ағып келген, кісі бойы боларлық мұз сеңдері жатқанын көріп жаға ұстадық. Бейне бір айсбергтер шөгіп жатқандай әсер қалдырды. Ал, үйлеріне, тірнектеп жинаған қаражаттарына жуырда ғана еурожөндеу өткізген екен. Сау-тамтығы қалмай бүлінген. Қора-жай, көлік тұрағындағы мүліктері, азық-түліктері де жарамсыз болыпты. Мұндай жағдайда қиындыққа тап болған ұжым мүшелеріне көмек көрсетпей болмайды. Республикадаға өзге филиалдар да жағдайға түсіністікпен қарап, бірден көмек қолдарын созды. Қайырымдылық мақсатында қаражат жиналып, әр әріптесімізге миллион теңгеге жуық қаржы бердік. Ол әр азаматымыздың заңға сәйкес ашылған жеке есепшотына аударылды. Ал бірден көмектерін ұсынып, жанашырлық танытқан өзге облыстардағы әріптестерімізге айтар алғысымыз ұшан-теңіз, – дейді ӘТЖК Семей филиалының кәсіподақ ұйымының басшысы, осынау істің басы-қасында жүрген Амантай Қатпенов.
Жалпы, Әсерилендірілген теміржол күзетінің жігіттері қай кезде де елдік шараның басынан табылып, қайырымдылық жасаудан алдарына жан салмайтынын баяғыда дәлелдеген үлкен ұжым. Бұл жолы да Алматы филиалы директоры Мұхтар Шпекбаев, Шымкент филиалы директоры Бекболат Түзелбаев, Тараз филиалының басшысы Бауыржан Төлепбергенов, Қарағанды филиалы директоры Совет Жұмашев пен Атырау филиалы бастығы Жәнібек Абдрахманов, Қостанай облысындағы филиал директоры Қанат Өтеповтер елдің алды болып семейлік әріптестеріне қол ұшын созыпты.
Дәл осындай көмек алапат су тасқыны болған Зырян қаласындағы бір қызметкерге де жасалынған. Бір бұл емес, кәсіподақ басшысының айтуынша, енді бірер күнде бұл алты жұмысшыға 2018-2020 жылдарға арналған жаңа ұжымдық шарт аясында 50 АЕК көлемінде материалдық көмек жасалмақ. Әрине, ол да айтарлықтай жәрдем болатыны сөзсіз. Бастысы – қайырымдылық сынды ізгі қасиеттің осындайда айқын көрініс тапқаны көңілдерге қуаныш ұялатады.
Қуаныш Қожаев, Семей
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді