Жемқорлыққа «жоқ» де, жолсерік...

Жаңалықтар

22.06.2018, 16:03

Оқуға 2 мин

Жемқорлыққа қарсы күрес жүргізу Елбасы Жолдауындағы басым бағыттардың бірі болып саналады. Жуырда жемқорлық деректерінің алдын алу жұмыстарын күшейту мақсатында Қызылорда-Семей бағытындағы және бөлімшеден жүргізілетін облысаралық жолаушылар пойыздарының жолсеріктермен кездесу өтті. «Нұр Отан» партиясы «Теміржол» филиалының «Жолаушылар тасымалы» бастауыш партия ұйымы ұйымдастырған шара барысында «Теміржол» филиалы төрағасының бірінші орынбасары Базара Танбаева сыбайлас жемқорлықтың мемлекеттің бәсекеге қабілеттілігін төмендететінін, еліміздің дамуына, экономиканың өркендеп өсуіне өрескел кедергі келтіретінін айта келе, жемқорлық пен құқық бұзушылықтың зиянды зардаптарын жою, оларды алдын алуда әр адам өз құзыреті шегінде күрес жүргізу керектігін айтты. «Жолаушылар тасымалы» БПҰ төрағасы Алмас Даутбаев әрбір жолсерік жемқорлыққа «жоқ» дей білсе, бұл індетті жоюдың тіпті де қиын еместігін сөз етті. Ол үшін әрбір жолсеріктің адал жұмыс жасауы, жолаушыларға сауатты әрі білікті, жоғары сервисті қызмет көрсетуі, жолсерік атына кір келтіретін әрекеттерден аулақ болуы қажеттігі, ал заң бұзушылыққа қасақана барғандар қатаң жазаға тартылатынын ескертсе, Қызылорда ЖІІБ-нің полиция майоры Асыл Сапарбек жемқорлыққа қарсы күресте барлық адамдар заң мен сот алдында тең, жемқорлықпен күрес жалпыға ортақ міндет екенін ескертіп, жолсеріктерді қызмет бабын пайдаланып, жемқорлыққа жол бермеуге шақырды. Сапарға шыққалы тұрған қызылордалық жолсеріктердің жолаушыларға қызмет көрсетуде сапалы нәтижеге қол жеткізіп отырғаны да айтылды. Мысалы, жол үстінде жолаушы ауырып қалса, енді бірде жолаушы тосын жайға ұшырап жолсеріктердің көмегіне жүгінуге мәжбүр болып жатады. Сондай жағдайларда өздерінің қызметтік міндеттерін мінсіз атқарып, жолаушының жанынан табылып жүрген жолсеріктердің аттары аталып, алғыс алды. Бір сапарда, мысалы, Алматыдан Қызылордаға келе жатқан 25 жастағы Гүлсім атты қыздың ұстамалы ауруы ұстап, құлап қалыпты, жолсеріктер дер кезінде алғашқы медициналық көмек көрсетіп, аман алып қалған. Тағы бірде Алматыға бара жатқан пойызда жүкті әйелді пойызда босандырып алып, шекесі торсықтай ұлдың дүниеге келуіне дәнекер болған жолсеріктер мерейлері үстем болыпты.

Жемқорлыққа «жоқ» де, жолсерік...

Басқа да жаңалықтар

Қазір оқылуда

Қазақстан теміржолшысы газеті, №78 02 қазан 2026 жыл