Теміржолшылар вагондарды жөндеу бойынша қызмет көрсету саласындағы бәсекелестік ортаны дамытуға мүдделі
![](https://rail-news.kz/uploads/posts/2018/11/29/1543466188489.jpg)
Қарағанды вагон жөндеу кәсіпорының алаңында ұйымдастырылған конференцияда вагондарға техникалық қызмет көрсету және жөндеу саласындағы әріптестікті дамыту мәселелері талқыланды, деп хабарлайды "ҚТЖ" ҰК" АҚ баспасөз қызметі.
Іс-шараға «ҚТЖ» ҰК» АҚ еншілес ұйымдарының, құрылымдық бөлімшелерінің, «Қамқор Менеджмент» ЖШС, сондай-ақ 40 тарта жеке компаниялар мен вагон парктерінің операторларының, теміржол өнімдерін шығарушы кәсіпорындар өкілдері қатысты. Аталған шарада «ҚТЖ» ҰК» АҚ мен «Қамқор Менеджмент» ЖШС құрылымдық бөлімшелерінің басшылары сөз сөйледі.
Вагон шаруашылығы теміржол көлігіндегі күрделі кешеннің бірі болып табылады және көптеген қатысушыларды өзіне жұмылдырумен ерекшеленеді. «Қамқор Менеджмент» ЖШС желісі бойынша дамыған жөндеу кәсіпорындарының желісі құрылған. Жүк вагондарын заманауи технологиялық жөндеу қолданылып, инновациялық арбалар мен жаңа үлгідегі вагондарды жөндеу технологиясы игерілген.
Конференцияда техникалық саясаттың және вагон шаруашылығын реттеудің негізгі бағыттары қаужалды.
Бүгінгі таңда Вагонжасау бағдарламасы жүзеге асырылуда. Қазіргі нарық талаптарына жауап беретін, жоғары өнікті және конструкциялық жақсарған инновациялық вагондарды шығаруды ұйымдастыруға ерекше назар аударылған.
Темір жолдары инфрақұрылымына остік салмақтың артуы әсерін анықтау бойынша 25 тонналық остік салмақты вагондарды пайдаланудың нәтижелері туралы ақпарат тыңдалды.
Тасымалдау процесіндегі қауіпсіздікті қамтамасыз ету, жылжымалы құрамды пайдалану және жөндеу саласындағы проблемаларды шешудің маңызы аталды. Конференцияға қатысушылар жүк вагондарын жөндеу, вагондар паркін ұстап тұру, жүк вагондарында техникалық диагностиканы дамыту және қосалқы бөлшектер шығару жайын талқыға салды. Қорытындысында «Қамқор-Вагон» ЖШС мен парк иелері арасында жүк вагондарын жөндеу, олардың тораптары мен бөлшектерін шығару бойынша ұзақмерзімді келісімдерге қол қойылды.