Қазақстандық теміржолшылар қолайсыз ауа райы жағдайында жолаушыларды тасымалдауды қамтамасыз етуге дайын
Теміржолшылар қаламаңы маршруттарын қоса алғанда, әуерейстері мен автомобиль жолдары жабылған жағдайда барлық бағыттар бойынша жолаушыларды үздіксіз тасымалдауды қамтамасыз етуге дайын, деп хабарлайды ұлттық компанияның баспасөз қызметінен.
Барлық құрылымдық бөлімшелермен ауа райының қолайсыздығы жағдайында пойыздардың үздіксіз және қауіпсіз қозғалысын қамтамасыз ету бойынша шаралар қабылданған.
Төтенше жағдайлар туындаған кезде теміржолшылар көліктік компаниялар мен «Жолаушылар тасымалы» АҚ құрылымдық бөлімшелері арасындағы өзара кешенді көмек көрсету жөніндегі меморандум нормаларын және Регламентті басшылыққа алады. Бұдан бөлек, шаттан тыс жағдайлар туындағанда ТЖ басқармаларымен бірлескен іс-әрекеттер қабылданады.
«ҚТЖ-Жүк тасымалы» АҚ локомотив пайдалану және вагон деполарында қызметкерлер дайындығы, жүк және жолаушылар тасымалы пойыздарына техникалық қызмет көрсету жүргізуге бақылау күшейтілген. Локомотив бригадаларымен қар қалын жауғанда, қолайсыз ауа райы жағдайында жұмыс жүргізуге қатысты нұсқаулықтар қайта қайта жүргізіліп отырды. Стандарттарға сай келмейтін жағдайларда локомотивтік бригадалардың іс-әрекеттерін реттеу жөніндегі техникалық оқытулар өткізілді. «ҚТЖ – Жүк тасымалы» АҚ барлық филиалдарында техникалық оқытуды тиімді жүргізу және сапасын арттыру жөнінде айлықтар өткізілді.
Қазіргі таңда «ҚТЖ» ҰК» АҚ барлық қызметтері штаттық режимде жұмыс істеуді жалғастыруда.
Темір жолы үстін қардан үздіксіз тазарту жұмыстары жүргізілуде. 2019 жылдың басынан бері теміржол желілері 50 мың текше метр қардан аршып алынды. Шамамен 7500 шақырым шойын жол тазартылды. Бұл іске 14 мың теміржолшы жұмылдырылды. Қартазарту және қараршу техникаларының барлық түрімен магистральдық желілерге 160 шығу орын алды. Ауа райы бұзылған жағдайда қосымша күштер жұмылдырылатын болады.
Күрделі ауа райы жағдайында теміржолшылар теміржол инфрақұрылымы нысандарында қауіпсіздік ережелерін мүлтіксіз сақтау және барынша мұқият болуға шақырады.