Сауат Мыңбаев Middle Corridor халықаралық қауымдастығы басқармасының төрағасы болып сайланды
![](https://rail-news.kz/uploads/posts/2019/1/23/1548223898728.jpg)
Бакуде «Транскаспийлік халықаралық көлік бағдары» халықаралық ассоциациясының жалпы жиналысы мен жұмыс тобының жылжымалы отырысы өтті.
Жалпы жиынға қатысушылардың шешімімен Ассоциация Басқармасы құрамына өзгерістер енгізіліп, «ТХКБ» халықаралық ассоциациясы» ЗТБ басқарма төрағасы болып «Қазақстан темір жолы» ҰК» АҚ басқарма төрағасы Сауат Мыңбаев сайланды. Бұл туралы аталған ассоциацияның баспасөз қызметі мәлімдеді.
Отырыс жұмысы барысында Жалпы жиын қатысушылары ассоциация қызметінің 2018 жылдағы қорытынды есебін тыңдап, ТХКБ (Middle Corridor) бойынша жүк тасымалы көлемі мен 2019 жылға даму жоспарын бекітті. Сонымен қатар ассоциация қызметімен байланысты ішкі мәселелер де талқыланды.
ТХКБ бағдары бойынша 2019 жылға тасымал жоспары контейнерлік тасымал көлемін айтарлықтай көбейтуге бағытталған, яғни жиырма футтық TEU эквивалентінде 60 мың контейнерге дейін жеткізу көзделуде, 2018 жылы тасымалы көлемі жоспарланған 15 000 TEU-ден асып кеткен болатын. Қарқынды даму және клиентке сервисті көтеру мақсатында Ақтау-Баку (Алят)-Ақтау бағдарындағы телімдердегі аталған тасымал Middle Corridor бағдарында Каспий теңізінде 2018 жылы сәуір айында алғаш рет бекітілген тұрақты фидерлік контейнерлік қатынас түрінде жүзеге асырылмақ.
Жұмыс тобы отырысының қатысушылары осы жылға ТХКБ бағдары бойынша тасымал тарифінің мөлшерлемесі бойынша өзара келісімге келді. Сонымен қатар Middle Corridor көліктік бірыңғай операторы мен Халықаралық Транскаспийлік көлік консорциумы арасындағы тасымал технологиясын жетілдіруге, аталған бағдарда жүктердің жаңа көлемін тартуға бағытталған бірлескен шаралар талқыланды.
Нұрай СӘРСЕНҒАЛИ
фото: "Информбюро"