Соңғы төрт күнде шығыс өңірінің теміржолшылары шамамен 2 мыңнан астам шақырым жолды қардан тазартты
Соңғы төрт күн ішінде, яғни 18 мен 21 қаңтар аралығында, ауа райының күрт бұзылуы жағдайында шығыс өңірінің барлық станцияларында арнайы техникаларды пайдалана отырып, түскен қалын қардан жолдарды тазарту жұмыстары тәулік бойы жүргізілді. Бұл туралы
«Қазақстан темір жолы» ҰК» АҚ баспасөз қызметінен хабарлады.
Жұмысқа шамамен 300 теміржолшы тартылды. Станцияларда жол шаруашылығы қызметкерлері, қар бұрқасыны кезінде бағыттамалы бұрмалардың жағдайына жауаптылар тәулік бойы кезекшілік етті.
Қар тазарту жұмыстарына 44 дана қартазалау және қараршу техникалары жұмылдырылса, бұл ретте 2,5 мың шақырым жол қардан аршылып, 10000 текше метр қар шығарылды.
Жол дистанциясы қызметкерлерінің күш-жәгері арқасында пойыздар қозғалысының кестесі бұзылған жоқ. Ауа райының күрделі жағдайы мен қардың ұйытқуы орын алуы мүмкіндігі ескеріліп, пойыздарды қауіпсіз және үздіксіз өткізуді қамтамасыз ету үшін күн сайын нақты шаралар қабылдануда.