Теміржолшылар «Қазақстан Қызыл Жарты ай» бағдарламасы бойынша алғашқы дәрігерлік көмек көрсетуді үйренді
«Жолаушылар тасымалы» АҚ өз қызметкерлерін, атап айтқанда, жолсеріктер мен пойыз бригадирлерін әлемдегі ірі гуманитарлық қоғамдастықтық – «Қазақстан Қызыл Жарты ай» бағдарламасы бойынша дәрігерге дейін бірінші медициналық көмек көрсетуге оқытты.
Аталған тренингтерге төленген барлық қаражатты, яғни 2 млн теңгеден астам ақшаны Қазақстанның Қызыл Жарты ай қоғамдастығы қайырымдылыққа жұмсап, тегін курстар мен оқыту семинарларын бірқатар топтарға өткізген. Мысалы, «Санат Әлемі» қорының қамқорлығындағы 39 адам, Шет тілдері институтының 37 студенті, Сүлеймен Демирел университетінің 10 студенті, «Жас қозғалыс инспекторы» слетінің 20 қатысушысы құрайды.
Бұдан бөлек, аталған қаржының бір бөлігі қан тапсыру саласының жұмысына бағытталған. 1070 адамға қан тапсыру туралы ақпарат таратылған. Қан тапсыруға арналған 4 күн ішінде 116 адам қан тапсырып, олардың 97-і тұрақты донорға айналды. Ұлттық тасымалдаушы аталған бағытта жолсеріктер біліктілігін арттыру бойынша жұмыстарын жалғастырмақ, өйткені, жол үстіндегі жолаушылардың қауіпсіздігі мен денсаулығы басымдыққа ие бағыттардың бірі екені айқын.
Ислам ТАЛҒАТ