«ҚТЖ-Жүк тасымалы» АҚ ұжымдарында заңсыздықтарға «нөлдік» төзім саясатын қолдайды
«ҚТЖ» ҰК» АҚ сыбайлас жемқорлыққа қарсы саясатын жүзеге асыру жөніндегі тораптық кеңестер теміржолшылардың, құқық қорғау органдары, көлік прокуратуралары, өңірлік кәсіпкерлер палатасы өкілдерінің, сондай-ақ жүкжөнелтушілердің қатысуымен Есіл және Қостанай станцияларында болып өтті.
Тораптық кеңестерде «ҚТЖ» ҰК» АҚ жүйесінде қабылданып жатқан сыбайлас жемқорлыққа қарсы күрес пен алдын алу жөніндегі шаралар талқыланды.
«ҚТЖ-Жүк тасымалы» АҚ корпоративтік басқару және даму жөніндегі бас директордың орынбасары Әділжан Ізмұхамбетов мәлім еткендей, 2019-2020 жылдарға арналған Сыбайлас жемқорлыққа қарсы іс-қимыл жөніндегі жоспарға сәйкес вагон паркін бөлуге, сатып алу рәсімдеріне, кадр саясатына бақылау күшейтіледі. Адам факторымен байланысты сыбайлас жемқорлықтық көріністерін туғызатын жағдайларды барынша төмендету қамтамасыз етіледі.
ШКЖ АБЖ бағдарламасының арқасында жылжымалы құрамға тапсырыс беруді әзірлеу барысында компания қызметкерлері мен жүкжөнелтушілер арасындағы жеке байланыс мәселесі күн тәртібінен толықтай түсіп қалады.
«Компания жұмысының барлық саласында кез келген бұзушылықтарға «нөлдік төзім», ашықтық пен әділдік саясаты енгізілуде. Әрбір басшы өзіне сеніп тапсырылған бөлімшелерде сыбайлас жемқорлыққа қарсы күрес стратегиясын қамтамасыз етуге жеке басымен жауап береді», - деді Ә.Ізмұхамбетов.
Осындай кеңестер «ҚТЖ-Жүк тасымалы» АҚ барлық бөлімшелері мен филиалдарында тұрақты негізде өткізіліп тұратын болады.