«Қазтеміртранс» АҚ жүк жөнелтушілер үшін Call-орталық ашылды
«ҚТЖ» ҰК» АҚ еншілес ұйымы – «Қазтеміртранс» АҚ мен жүк жөнелтушілер арасында көлік экспедициялары мен вагон операторлары қызметін көрсету жөніндегі екі мыңдай келісім-шарт жасалды, деп хабарлайды компанияның баспасөз қызметінен.
2019 жылдың 1 ақпанынан вагон паркін тиімді пайдалану мақсатында көлік экспедициясы мен жүк вагондары операторлығы функциясы «KTZ-Express» АҚ алынып, «Қазтеміртранс» АҚ берілгені белгілі.
Қазақстанның барлық өңірлерінде жүкжөнелтушілермен селекторлық кеңестер өткізіліп, өзараықпалдастықтың жаңа шарттарын түсіндіру жөнінде кездесулер орын алды. Барлық туындаған мәселелер жұмыс топтарында қарастырылады. Тасымалдау процесі барлық қатысушыларының жұмыстары ұйымдастырылды.
Жүк жөнелтушілермен келімі-шарт жасасу және вагондарды қою автоматтандырылды, бұл жүк тасымалын вагондармен қамтамасыз ету жөніндегі тапсырыстарды қарауды жеделдетеді. Республикаішілік қатынастарда жүктерді тасымалдауға тапсырыстарды қарау уақыты үштен бір күнге дейін қысқарды. Жүкжөнелтушілер мен мүдделі тараптардың көліктік экспедиция мен операция қызметін көрсету мәселелері жөніндегі ауызша және жазбаша өтініштерін өңдеу үшін Call-орталық ашылды. Бұдан басқа, қызметті пайдаланушы-клиенттер үшін барлық қажетті ақпараттар «Қазтеміртранс» АҚ корпортативтік сайтында орналастырылады.
«Біздің компанияның жұмысы клиенттерге сапалы қызмет көрсетуге бағытталған. Ол үшін барлық жағдайлар жасалуда, туындаған мәселелер жедел шешіліп, түсіндіру жұмыстары жалғасын табуда.Тиелетін вагондар тапсырыс жоспарына қарай қойылып келеді», - деп атап көрсетті Бас директордың м.а. Т.Қойшығұл.