Бірқатар жолаушылар пойыздарының қозғалыс кестесіне өзгеріс енгізіледі
![](https://rail-news.kz/uploads/posts/2019/4/26/1556265668083.jpg)
«Жолаушылар тасымалы» АҚ баспасөз қызметінің мәлімдеуінше, жазғы тасымалдың басталуына орай осы жылдың 22 мамырынан бірқатар жолаушылар пойыздарының қозғалыс кестесіне өзгеріс енгізіледі.
Мәлімдемеде бұл өзгеріс қозғалыс кестесіндегі ішінара түзетулерге байланысты болып отырғаны айтылған. Бұған дейін хабарланғандай, тасымалдаушы атына жолданған өтініштерден соң ҚР индустрия және инфрақұрылымдық даму министрлігі көлік комитетінің және Шығыс Қазақстан облысы әкімдігінің «Нұр-Сұлтан – Нұрлы жол-Риддер» бағытындағы №375/376 жолаушылар пойызының бағдарына өзгерістер енгізу жөнінен келісімдері бойынша жұмыстар жүргізілді. Нәтижесінде ағымдағы жылдың 22 мамырынан бастап аталған жылжымалы құрам бұрынғыдай СемейЛокоть-Өскемен бағдарымен емес, Семей-Шар-Өскемен темір жол телімі бойынша қатынамақ. Сонымен бірге енді «Нұр-Сұлтан - Сарыағаш» бағытындағы №086 жолаушылар пойызының да қозғалысы өзгермек. 22 мамырдан бастап пойыз құрамы «Нұр-Сұлтан-Нұрлы жол» темір жол вокзалына келіп тоқтап, осы жерден жөнелтілетін болады. Пойыздардың келу және кету уақыты туралы барлық ақпаратты «105» анықтамалық телефоны арқылы соғып білуге болады.