Абайлашы, балақай: оқушыларға темір жолдан өту ережесін айтты

Жаңалықтар
21.05.2019, 14:26
Райхан Рахметова

«Қазақстан теміржолшысы» газетінің тілшісі

«ҚТЖ-Жүк тасымалы» АҚ теміржолға жақын орналасқан оқу орындарында болат жолдан өту қауіпсіздігі бойынша түсіндіру жұмыстарын күшейтуде. Өйткені, аз күнде балалардың жазғы каникулы басталады. 

Осы аптада Нұр-Сұлтан қаласындағы №36 мектепке елорданың локомотив пайдалану депосы мен Нұр-Сұлтан-1 станциясының қызметкерлері барып, оқушылармен кездесті.

– Темір жол – аса қауіпті аймақ саналатынын балаларға ескерте отырып, одан өту, оның айналасына жақын болғанда жүру ережелерін түсіндірдік. Оқушылар темір жол бойында вагондарға жақындамауын, 5 метр арақашықтықты сақтауын, келе жатқан пойыздарды өткізіп жіберуін және бағдаршамның түсіне назар аударуын айттық. Сонымен қатар қазіргі таңда   жастар болсын, ересектер болсын құлаққап тағып алып, жолдан өтерде жақындап қалған пойыздың даусын естімей қалып ажал құшып жатыр. Жүйткіп келе жатқан пойыз машинисі ол адамды көріп тежегішті басқанымен, пойыз бірден тоқтамайды. Сондай-ақ, ойнап жүріп вагондар үстіне шығар болса, оның үстіндегі электр тогының қуаты өте күшті, 5 метрден-ақ адамды ток ұратынын екінің бірі біле бермейді. Балалар қайғылы жағдайға тап болмауы үшін осындай ақпараттармен бөлістік. Жоспар бойынша бүгін 7 сынып оқушыларымен кездестік, – дейді ТЧЭ-11 мекемесінің инструкторнұсқаушысы Сырым Беков. Теміржол қызметкерлері оқушыларға жолдан өту ережелері анық айтылған слайд-шоу көрсетіп, балалардың сұрақтарына жауап берді және «Өз өміріңді сақта!», «Өткелге дейін тоқта!», «Аса қауіпті аймақ» деген тақырыптары бар брошюралар таратты.

Нұр-Сұлтан-1 станциясының қауіпсіздік бойынша бас маманы Маржан Айтмағамбетова да сөз алып, жол қысқартамын деп вагон астынан немесе автотізбектер үстінен басып өту өте қауіпті екенін, сонымен қатар бағыттама бұрмалары бар жерден өтуге болмайтынын, тайып кетіп, мезгілмезгіл бағытын бұрып тұратын бұрмалар арасында аяқ қысылып қалу қаупін ескертті. Шараға «ҚТЖ-Жүк тасымалы» АҚ баспасөз қызметінің өкілдері де қатысып, түсіндіру жұмыстарының ұйымдастырылуына мұрындық болды. Олардың берген мәліметтерінше, қозғалыс қауіпсіздігінің бұзылмауы үшін арнайы жасалған шаралар жоспарына сәйкес бірқатар жұмыстар атқарылған. Атап айтқанда, осы жылдың бірінші тоқсанында үйлестіру кеңесінің 51 жиыны өткізілген, оларға көлік прокурорлары, полиция қызметкерлері, ҚР ИДМ көліктік бақылау бойынша аумақтық органдары өкілдері мен Жүк тасымалы бөлімшелерінің шегіндегі қатысы бар қызметтер мамандары қатысқан. Желілік тәртіп сақшылары, әскерилендірілген күзет, магистральдық желі бөлімшесі филиалдарымен бірлесе 12191 азаматты қамти отырып, теміржолдан өту қауіпсіздігін түсіндіру бойынша кездесулер өткізілген. Темір жолда жүру ережелерін түсіндіру жөнінде оқу орындары мен кәсіпорындарда 701 әңгімелесу жиыны өткізіліп, бейнежазбалар көрсетілген. БАҚ беттерінде қоғамның аймақтардағы басшылар атынан аса қауіпті аймақта бөгде адамдардың жүруінің алдын алу, қауіпсіздік ережелері туралы және басқа да тақырыпта 29 мақала жарық көрген. Сонымен бірге біріккен рейдтер ұйымдастырылған. Локомотив бригадалары темір жол көлігі нысандарындағы қайғылы жағдайлардың алдын алу бойынша профилактикалық жұмыстарды тұрақты жүргізіп отырады. Ай сайын қоғамның барлық филиалдарына локомотив бригадаларымен жұмыс жүргізу үшін адам, мал басу, көлікпен соқтығысу бойынша талдау нәтижелері жіберіледі. Жоспарлы отырыстарда, техникалық сабақтарда тұрақты түрде локомотив бригадаларын жолға жақын бөгде адам немесе мал жүргені туралы ақпараттандыру талап етіледі. Олар өз ауысымы біткенде машинистердің ескерту журналына тиісті қызметтерге ақпаратты жеткізу үшін жазба қалдырады. Тұман, жел, боран сияқты табиғат құбылыстарына байланысты белгі беру құрылғылары дұрыс көрінбеген жағдайда қозғалыс қауіпсіздігін қамтамасыз ету үшін хабарлама белгіні көбірек беріп, белгіленген жылдамдықты азайту керектігі айтылады. Сондай-ақ теміржолда жарақаттану жайттарын азайту және жол бермеу үшін ҚТЖ баспасөз қызметімен бірлесіп темір жолдағы қозғалыс қауіпсіздігі профилактикасы бойынша үш бейнеролик таратады. Бұл бейнероликтер барлық әлеуметтік топтарда кең таралған. Сондай-ақ, қауіпті аймаққа бөгде адамдардың шығуының алдын алу және темір жол өткелдерінен өту ережелерін сақтау бойынша автокөлік жүргізушілері және халық үшін 5 нұсқалық дизайнда буклеттер жасалып таратылған. 

Жаңалықтар
22.02.2025
Шэньси провинциясы транзиттік тасымалды дамытуға 2,5 млрд юань инвестиция салады
Жаңалықтар
22.02.2025
2025 жылы 3 жаңа қазақ-қытай терминалы іске қосылады
Инфрақұрылым
21.02.2025
Биыл Павлодар өңірінде 200 шақырымнан астам темір жол жаңғыртылады
Жаңалықтар
21.02.2025
Huawei темір жолға LTE-R орналастыруды бастайды
Жаңалықтар
21.02.2025
"KTZ Express" АҚ Жоғарғы сотқа жүгінеді
Қауіпсіздік
21.02.2025
Қатер аяқ астында...
Инфрақұрылым
21.02.2025
Инфрақұрылымдық жобаларды дамыту міндеттелді
ҚТЖ келбеті
21.02.2025
Ақтөбелік жас инженер ескерту құрылғысын ойлап тапты
Әлеумет
21.02.2025
Компанияда 10 жылдан астам қызмет еткендер біржолғы ақшалай сыйақы алады
Инфрақұрылым
21.02.2025
Биыл 226 жаңа вагон сатып алынады
Жүк тасымалы
21.02.2025
ҚХР мен Қазақстан арасындағы тасымал қаңтар айында 18% өсті
Жаңалықтар / Мұрағат
21.02.2025
Қазақстан теміржолшысы газеті, №13 21 ақпан 2025 жыл
Инфрақұрылым
20.02.2025
Үкіметте теміржол саласындағы бастамалар талқыланды
Жаңалықтар
20.02.2025
ҚТЖ басшылығы өңірлерде су тасқынына қарсы іс-шараларға инспекция жүргізуде
Жаңалықтар
20.02.2025
ҚТЖ қалпына келтіру пойыздарының техникасын жаңартып жатыр
Жаңалықтар
20.02.2025
Салауатты сөз – тіл абыройы
Спорт
20.02.2025
Семейлік теміржолшылар шаңғымен жарысты
Жолаушылар тасымалы
20.02.2025
«Jibek Joly» танымал турға айналды
Станция тынысы
19.02.2025
Сексеуілде сұрыптау жұмысы артты
Инфрақұрылым
19.02.2025
Шағыр станциясындағы өткел жөндеуден өтті