Жолаушылар пойыздарының қозғалыс кестесіне өзгерістер енгізілді
![](https://rail-news.kz/uploads/posts/2020/3/13/1584072188961.jpg)
![](https://rail-news.kz/img/noimg.png)
«Қазақстан теміржолшысы» газетінің тілшісі
«Жолаушылар тасымалы» АҚ бірқатар жолаушылар пойыздарының қозғалыс кестесіне өзгерістер енгізілгенін хабарлайды. Сәуірден бастап кестеге енгізілетін жаңа бағдарлар төмендегідей.
Атап айтқанда, биыл 1 сәуірден бастап «Тұлпар-Тальго» вагондарынан тұратын жаңа №19/20 «Нұр-Сұлтан-Нұрлы жол-Атырау» жүрдек пойызы тақ күндері Нұр-Сұлтан-Нұрлы жол станциясынан жөнелтілмек. Ал 3 сәуірден бастап №54/53 «Нұр-Сұлтан-Нұрлы жолДостық» бағытындағы жолаушылар пойызының қатынау жиілігі аптасына 2 ретке көбейтіліп, елордадан жұма және дүйсенбі күндері жөнелтілетін болды.
Сонымен қатар мереке күндеріне орай «Алматы-2-Нұр-СұлтанНұрлы жол» бағытындағы «Тұлпар-Тальго» вагондарынан тұратын жолаушылар пойызына қосымша ретінде Алматы-2 станциясынан 25, 26, 27, 28, 29, 30 наурызда, ал Нұр-Сұлтан-Нұрлы жол станциясынан 26, 27, 28, 29, 30, 31 наурызда жөнелтілетін қосымша 6 рейс іске қосылмақ.
Сондай-ақ, сәуірдің бірінен бастап «Алматы-2-Нүкіс» бағытындағы жолаушылар пойызының бағдары Сарыағаш станциясына дейін қысқартылады және Алматы-2 станциясынан тақ күндері жөнелтіліп, күн ара қатынайтын болады. Бұған қоса 2 сәуірден бастап тасымал- даушысы «Otpan Logistic» ЖШС болып табылатын «МаңғыстауАқтөбе» бағытындағы жолаушылар пойызының және Өзбек темір жолы құрастырған «Мискен-Бейнеу» бағытындағы жолаушылар пойызының құрамында «Маңғыстау-НүкісМаңғыстау» бағытында тікелей қатынайтын вагондар, 1 сәуірден бастап «Алматы-2-Алтынкөл» бағытындағы және №91/92 «НұрСұлтан-Нұрлы жол-Қызылорда» бағытындағы жолаушылар пойыздары қатынастан алып тасталады. «Алматы-2-Петропавл» бағытындағы жолаушылар пойызы Алматы-2 станциясынан 25, 26, 27, 28, 29, 30 наурызда, ал Петропавлдан 26, 27, 28, 29, 30, 31 наурызда уақытша тоқтатылады.