Жүк жөнелтушілерге жеңілдік
«Қазақстан теміржолшысы» газетінің тілшісі
«Қазақстан темір жолы» ұлттық компаниясы елімізде төтенше жағдайлар жарияланған кезеңде жүк тасымалына байланысты Қазақстанның жүк жөнелтушілерін бірқатар төлемдер мен алымдардан және айыппұлдардан босатып отыр.
Атап айтқанда, форсмажорлық жағдаймен байланысты: жүктерді тасымалдау жоспары бойынша тапсырысты орындамағаны үшін айыппұл; жүктерді сақтағаны үшін 10 еселік алым; вагондар мен инвентарлық (ортақ) парк контейнерлерін пайдаланғаны үшін төлем; маневрлік локомотивтің жүру қашықтығы үшін алым есептелмейді.
Жалпы алғанда, жүк жөнелтушілер 500 млн теңгеден астам сомаға алымдардан, төлемдерден және айыппұлдан босатылады.
Сонымен қатар, ағымдағы жылдың 1 сәуірінен бастап «Қазтеміртранс» АҚ төтенше жағдайлар кезінде өз клиенттерін қолдау мақсатында тиеу және түсіру кезінде меншікті пайдалану паркі вагондарынан кіреберіс жолдарда тоқтап тұрғаны үшін алым алмауға шешім қабылдап отыр.
Бүгінгідей елімізде төтенше жағдай жарияланып, өндіріс орындары тоқтап, жан-жақпен байланыс үзіліп отырған қиын да күрделі шақта бұл – шағын және орта бизнес иелері, жергілікті жүк жөнелтушілер үшін үлкен жеңілдік екені сөзсіз.