«Маңғыстау – Алматы-2» жолаушылар пойызы су жаңа вагондармен рейске шықты

Кеше Маңғыстаудан Алматыға қатынайтын №77/78 «Маңғыстау – Алматы-2» жолаушылар пойызы жаңа вагондармен алғашқы рейске шықты. Осыған орай Маңғыстауға арнайы барған «Жолаушылар тасымалы» АҚ бас директоры Петер Штурм мен түбек теміржолшылары, облыс тұрғындары және БАҚ өкілдері жаңа вагондармен жасақталған пойызды Маңғыстау станциясынан Алатауға қарай шығарып салды. Екі өңірдің арасындағы темір жолдың ұзындығы 2812 шақырымды құрайды, бұл еліміз бойынша ең ұзын бағыт болып есептеледі. Сондықтан бұл аралықта жайлы әрі жылдам қозғалыстың маңызы өте зор. Расымен жаңа вагондардың жайлылығы мінген жолаушыны қуантады. Су жаңа вагондар ауа баптау жүйесімен, ауаны зарарсыздандыруға және тазартуға арналған сүзгілермен жарақталған. Бейнебақылау, өрт сөндіру жүйесімен және әр- бір вагондағы су қорымен жабдықталған. Купе мен дәліздерде кернеуі 220В болатын 2 электр розеткасы және ұялы телефондарды қуаттауға арналған 2 USB порты орнатылған. Сонымен қатар әр вагонда тоңазытқыш, микротолқынды пеш, ауыз су диспенсері және ыстық су титаны бар. Әр купе есігі магнит карталары арқылы ашы- лады. Осы вагондармен алғаш сапарға шығатын жолаушылардың да қуанышында шек жоқ. Олар мынадай жайлы вагонмен алыс жол қысқарып, Алматыға дейін пойыз үстіндегі күндер жайлы саяхат боларына сенімді. Вагондар мемлекеттік «Нұрлы жол» инфрақұрылым- ды дамыту бағдарламасы аясында сатып алынды және Тверь вагон жасау зауытының технологиясы бойынша «Тұлпар» зауытында құрастырылыпты. Вагондарды сатып алуды «Өнеркәсіпті дамыту қоры» АҚ қаржыландырды. «Жолаушылар тасымалы» АҚ 2010-2021 жылдары 1153 вагон, оның ішінде Маңғыстау облысы бойынша 141 вагон сатып алған еді. Соның ішінде фирмалық «Маңғы- стау – Нұр-Сұлтан» пойызы – 33, «Маңғыстау – Алматы-2» пойызы – 90, «Атырау – Маңғыстау» пойызы 18 вагонмен жаңартылды. «Жолаушылар тасымалы» АҚ-да 2020-2029 жылдарға арналған стратегияға сәйкес 500-ге жуық жолаушылар вагонын сатып алу көзделген. Оның ішінде мүмкіндігі шектеулі адамдарды отырғызуға және түсіруге арналған арнайы орын- дары мен көтергіш құрылғылы вагондар да бар. Тағы бір айта кетерлігі, бұл бағыттағы пойыздар- дың жүру уақыты биыл желтоқсаннан бастап 2,5 сағатқа қысқарады және алдағы уақытта жүрдек Тальго пойызын осы бағытта шығару жоспарда бар.