Пойызбен жол жүргенде өзіңмен бірге не алу керек?

Суретті түсірген Александр Жабчук

Бүгін пойызбен ұзақ сапарға шыққанда өзіңмен бірге қандай қажетті заттарды алу керектігі туралы баяндаймыз. Мәселен, 2-3 сағаттық жолға адамдар шыдауы мүмкін, ал ұзақ сапарға бет алғандар жолда өзін жайлы сезініп әрі уақытын тиімді өткізуді қалайды. 

Пойызбен жиі жүретіндер алдын ала жолға қажетті заттардың тізімін жасап, мұқият дайындалып шығады. Мұның барлығы жолда қолайсыз жағдайға тап болмай, сапарды жеңіл еңсеруге көмектеседі. Ал, пойызға бірінші рет отырған немесе сирек жүретін адамдар әбден жайғасқан соң «ана затымды ала саулым керек» еді деп өкініштерін білдіріп жатады. Сондықтан жолға қажетті маңызды деген заттардың тізімін жасауды жөн санадық.

Құжат

Үйден шықпас бұрын  құжаттар мен ақшаңызды тексеріңіз. Пойыздың билетін, паспорт немесе жеке куәлігіңізді, баланың туу туралы куәлігін, балаға берілген сенімхатты бір тексеріп, қолға аздаған ақша алғаныңыз дұрыс.  

Құжаттар мен бағалы заттарыңызды шағын сөмкеге салып алсаңыз тіптен жақсы, яғни олар үнемі өзіңізбен жүру керек. Қазір жолға өте ыңғайлы белге тағып алатын сөмкелердің түр-түрі бар.  

Жолда өзіңізбен бірге ірі көлемде ақша алмағаныңыз дұрыс, ішіп-жеріңізге жетер алсаңыз жетеді. Қазір дүкендердің көбінде төлемді электронды түрде жасауға болады, бірақ жол бойындағы кейбір елдімекендерде байланыс нашар болғандықтан, интернет ұстамай қалып жатады.  

Киім-кешек

Пойызға ауыстырып киетін киім алып алғаныңыз дұрыс. Бастысы ол ыңғайлы болсын.  

– аяққа сұға салатын сандал;

– футболка немесе майка;

– шорты немесе спорттық шалбар;

– құлаққап пен көз маскасы жақсы ұйықтауға көмектеседі.

Бұл жерде жыл мезгіліне байланысты, жазда вагон іші ыстық болғанда жеңіл киінген жөн. Ал қыста кейбір вагондар салқын болады, ол кезде өзіңмен бірге жылы киім алған дұрыс.

Гигиеналық заттар

Пойызда қолайсыз жағдайға тап болмас үшін өзіңізбен бірге гигиеналық құралдарды да алып жүргеніңіз дұрыс.  

– тіс пастасы мен щетка;

– сабын;

– антибактериальды салфетка;

– әжетхана қағазы;

Сүлгіні төсек жаймаларымен бірге вагонда береді, десе де өзіңіздің бет орамалыңызды алып алсаңыз да болады.  

Кішкентай баласымен жүргендер ұмытпай горшок алып алғаны дұрыс.

Дәрі-дәрмек

Жол болған соң небір жағдай болады, кейде су немесе тамақ жақпай қалып жатады. Кейбірінің басы немесе іші ауырып жатады. Соның барлығына дайын болу керек. Ол үшін мына дәрілерді салып алған жөн:

– ауырсынуды басатын дәрі;

– аллергияға қарсы дәрі;

– іш өтуге қарсы дәрі;

– бастың дәрісі;

– ыстық түсіретін дәрі;

– пластырь мен йод алып алған да артық етпейді.  

Жолға қандай тамақ алған жөн?

Пойыздың басты романтикасы – тамақтану және жаныңдағы жолаушылармен әңгіме-дүкен құру. Біздің адамдар үшін пойызда шай ішіп, тамақтанудың орны ерекше. Өйткені пойыз орнынан қозғала салысымен көпшілік ыдыстарын шығарып, шай ішуге ұмтылады. Бірер сәтте ет, қазы, доширак пен жұмыртқаның иісі вагонның ішін алады. Әдемілеп жайғасқан жолаушылар алдындағы шайдан ұрттап қойып, қызықты әңгімеге кірісіп кетеді.  

Көпшілік пойыздағы мейрамхана тамағына жолай бермейді, жол-жөнекей тоқтаған станциядан азық алғанды ұнатады. Дегенмен, жол бойынан тамақ алғанда абай болу керек, әсіресе жазда. Күннің ыстығында тез бұзылатын еттен және балықтан жасалған тағамдарды алмауға тырысыңыз және олар сізге дейін біраз уақыт тұрып қалған болуы да мүмкін. Сондықтан ыстық күнде астан уланып қалмас үшін, жеңіл-желпі тамақ пен жеміс-жидек таңдаған дұрыс.  

– қайнатылған картоп;

– қайнатылған жүгері;

– жылдам әзірленетін ботқа;

– тәтті бәліштер;

– қияр, қызанақ, алма, мандарин, банан;

– су, бірреттік қолдануға арналған шай, тұз, қант т.б.

Уақытты тиімді өткізу

Пойызда іші пысып, уақытын өткізе алмай отырғандарға кітап жақсы көмектеседі. Ұзақ жолға шығып бара жатсаңыз қызықты кітап ала шығуды ұмытпаңыз. Қазір көпшілік телефонға телміреді, бірақ станциялардың арасында байланыс болмай қалатын ескерсек, уақытты тиімді өткізуде кітаптан артығы жоқ.  

Сондай-ақ кішкентай баламен кетіп бара жатсаңыз ойыншық ала шығыңыз. Өйткені ұзақ жолға балалар шыдай бермейді, іштері пысып, мазаңызды алады.  

Жолға дайындалғанда телефоныңыздың қуаттағышын ұмытпаңыз. Қазір көптеген вагонда тоқ көзі бар. Егер жолда телефоныңыз сөнетін болса, жеткенше қобалжып, өзіңізді жайсыз сезінесіз. Сондықтан өзіңізге керекті ең басты нәрселерді ұмытпағаныңыз жөн.  

 

Жаңалықтар
18.09.2025
Қарағандыда жүк пойызынан дизель ұрлаған қылмыстық топ ұсталды
Жаңалықтар
18.09.2025
Алматыда оқыту семинары өтті
Жолаушылар тасымалы
17.09.2025
Адамдар неге пойызбен жүруді жөн санайды?
Жолаушылар тасымалы
17.09.2025
Тағы қай бағыттың пойыздары Starlink интернетіне қосылатыны айтылды
Әлемде
17.09.2025
Калифорнияда сутекпен жүретін алғашқы пойыз іске қосылды
Жаңалықтар
17.09.2025
ALT университетінде ҚТЖ басшыларына арналған «Үздіктер алаңы» бағдарламасы басталды
Жүк тасымалы
17.09.2025
Қостанай өңірінен темір жолмен астық тасымалдау 20%-ға артты
Жаңалықтар
17.09.2025
Теміржолшылар қалдықтарды сұрыптау жолдарын үйренді
Жаңалықтар
16.09.2025
Теміржолшылардың қысқы маусымға дайындығы талқыланды
Жүк тасымалы
16.09.2025
Қытай – Қазақстан – Түрікменстан – Иран теміржол дәлізі жанданады
Трансформация
16.09.2025
Жүк тасымалы мен магистральдық желіні біріктіру – уақыт талабы
Аймақтар
16.09.2025
Қысқа әзірлік қарқынды жүргізілуде
Қауіпсіздік
16.09.2025
Екі көпір тұрса да, ерінетіндер көп
Аймақтар
16.09.2025
Әулиеата командасы бас жүлдені жеңіп алды
Қауіпсіздік
16.09.2025
«ҚТЖ»-да еңбек қауіпсіздігі мен экология бойынша үздіктер анықталды
Жаңалықтар / Мұрағат
16.09.2025
Қазақстан теміржолшысы газеті, №75 16 қыркүйек 2025 жыл
Жаңалықтар
15.09.2025
ҚТЖ мен РЖД стратегиялық ынтымақтастық бойынша басым бағыттарды айқындап алды
Әлеумет
15.09.2025
Теміржолшының студент баласына жол ақысы өтеледі
Жүк тасымалы
15.09.2025
Мамыр-қыркүйек аралығында 24 млн тонна көмір тасымалданды
Цифрландыру
15.09.2025
Бейнеу станциясы цифрландыруға көшеді