Контейнерлік пойыздар тасымалдануда
«Қазақстан теміржолшысы» газетінің тілшісі
«ҚТЖ» ҰК»АҚ еншілес ұйымы «KTZ Express» компа ниясы Өзбек темір жолымен әріптестігін нығайтып, қазіргі қиын сәтте де жұмыстарын жалғастыруда. Ал әріптестік әрекет нәтижелі болып отыр.
Екі ел жүк тасымалдаушыларының әріптестік ісқимылы нәтижесінде Өзбекстанда шамамен 90% күміс және 20% алтын өндіретін Алмалық МХК - тау-кен металлургиялық кәсіпорны мыс және мырыш тиелген контейнерлік пойыздарды тасымалдау жүзеге асырылуда. Бұл кәсіпорын Орталық Азиядағы ең ірі мыс өндіруші болып табылады.
Шикізат өзбек елінің Сергелі станциясынан тұрақты түрде жөнелтіледі. Одан әрі қазақстандық шекара маңындағы Сарыағаш және Оазис станциялары арқылы Транскаспий бағыты бойынша жүк Ақтау портына жетіп, теңіз жолымен түріктің Стамбул, Анкара және Мерсин қалаларына жеткізіледі.
Ай сайынғы тасымалдау көлемі орташа есеппен 400-ден астам жиырмафуттық контейнерлерді құрап отыр.
«Біз клиенттерге кешенді логистикалық қызмет көрсетеміз. Қазір төтенше жағдай кезінде автомобиль көлігінен темір жол көлігіне жүк тасымалдау көлемін ауыстыру экономикалық жағынан тиімді, жоспарлау сапасын жақсартып, шикізатты үздіксіз жеткізуді қамтамасыз етеді», – дейді «KTZ Express» АҚ басшысы Дмитрий Абдуллаев.