Сауаттылық пен жауаптылық қажет

ҚТЖ келбеті
22.07.2022, 13:14
Райхан Рахметова

«Қазақстан теміржолшысы» газетінің тілшісі

Кез келген мекеменің нормативтік-техникалық құжаттарынсыз жұмысы жүрмейді. Әсіресе, қызметіне арнайы нұсқаулықтар «жан бітіретін» теміржол сынды тәртібі қатал алып салада онсыз бүкіл қозғалыс тоқтап қалуы мүмкін. «Нұр-Сұлтан-Нұрлы жол» станциясының жетекші инженер-технологы Сәуле Ислямованы әріптестері «құжаттар ханшайымы» деп бекер атамаса керек.

Елордаға жақын шағын ғана Бабатай бекетінде көп балалы теміржолшылар отбасында дүниеге келген Сәуле Ислямова станция кезекшісі болуды армандап өсті. Себебі көзін ашқанда көргені сол еді. Әкесі сол бекеттің кезекшісі болса, анасы жол монтері болып еңбек етті. Ата-анасының жолыменен бүгінде осы отбасының Сәулені қосқанда 4 баласы жүріп келеді. Үлкен әпкесі әке-шешесіне көмектесемін деп станция кезекшісі болып ерте жұмысқа кірісті. Бала Сәуле бауырының киген киіміне, ары-бері өткен пойыздарды тоқтатып-жүргізіп отырған «командирлік» қызметіне қатты қызығып, мектеп бітірген бойда бірден теміржолшы болам деп армандайтын. Айтқаны болды да, 18 жасында Ақмола жол техникалық мектебінен білім алып, Жамбылда 6 айлық курстан өтті. Сосын жолдамамен Ерейментау бағытындағы №101 бекетте кезекші болып еңбек жолын бастады. Кейін №43 бекетке ауысты, туған жері Бабатайда станция кезекшісі болды. Теміржол саласында техникумды сырттай оқып білімін жетілдірді. Темір жолдың ауыр тірлігі, он шақты бала туып-өсіру оңай ма, ата-анасы алпысқа да жетпей, ертерек өмірден өтті. Сәуле де әпкесі секілді соңынан ерген бауырларына қарайласып, өмірін соларды оқытып жеткізіп, аяқтандыруға арнады. 

...1990 жылдары елордаға көшіп келіп, Қырқыншы станциясында жүк қабылдап жөнелтуші, ПЦ кезекшісі, станция кезекшісі болып еңбек етті. Басшылық Сәуле Ислямованың саладағы мол білімі мен тәжірибесін бағалап, 1 санатты қауіпсіздік инженерінің қызметіне ұсынды. Ал 2017 жылы жаңа «Нұрлы жол» вокзалымен бірге «Нұр-Сұлтан-Нұрлы жол» станциясы ашылғанда оған тағы үлкен жауапкершілік жүктеліп, жаңа станцияның барлық нормативтік-құқықтық актілері мен құжаттарын жасап, әрі қарай соны жүргізетін жетекші инженер технолог қызметіне бекітті.  

– Сол жылы мені осы станцияның құжаттамасын ретке келтіруге шақырды. Бірден келістім, себебі бұл мен үшін жаңа дүние, тың тәжірибе еді. Станцияның техникалық тарату актілерін (ТРА), түрлі нұсқаулықтарды жаңа стан- цияның қызметіне сәйкестендіріп жасау керек болды. Осылайша мұндағы құжаттарды нөлден бастап құруға тура келді. Станцияның құжаттары мен келгенде болды, бірақ жүйеге келтірілмеген еді. Жұмыстың барлық технологиясы станцияның техникалық құжаттарында сипатталады, жаңадан келгендер болсын, қазіргі қызметкерлер болсын өз жұмысында соны негізге алады. Пойыздарды қалай қабылдап, жөнелту керек, локомотивтерді қалай алып келіп қосу қажет, жолға қанша пойыз сыяды және тағы да басқа ережелер осы құжаттарда бекітіледі. Соның бәрін құжатқа түсіру үшін станцияны аралап, бәрін өлшеп, пішіп, есептедік. Сөйтіп жаңа құжат пайда болды, жалпы, құжат жүргізу ісінде ең алдымен сауаттылық пен жауаптылық қажет, – дейді кейіпкеріміз. 

Салаға 30 жылға жуық еңбегі сіңген Сәуле сынды теміржолшылар қандай құрметке де лайық.

Жолаушылар тасымалы
09.05.2025
Астанадан Жеңіс күніне арналған тақырыптық пойыздар жолға шықты
Аймақтар
08.05.2025
Жамбыл жол бөлімшесі ҰОС ардагерін құттықтады
Жаңалықтар
08.05.2025
ҚТЖ Ұлы Отан соғысы ардагерлерін құттықтады
Темір жол тарихы
08.05.2025
Соғыс салған жара. Тұщыбектегі тағзым ескерткішінің тарихы
Темір жол тарихы
08.05.2025
Жамбыл теміржолшыларының ерлік жолы
Темір жол тарихы
08.05.2025
Соғыс жылдарындағы шойын жол шежіресі
Темір жол тарихы
08.05.2025
Сұрапыл жылдар шындығы
Жолаушылар тасымалы
08.05.2025
ҚТЖ жазғы кезеңде қосымша бағыттарды іске қосады
Мұрағат / Жаңалықтар
08.05.2025
«Қазақстан теміржолшысы» газетінің 2025 жылғы 8 мамырдағы арнайы саны
Жаңалықтар
06.05.2025
«Нұрлы жол» вокзал кешенінде Жеңістің 80 жылдығына орай ағаш отырғызылды
Жолаушылар тасымалы
06.05.2025
«Keruen Express» туристік пойызы сапарға аттанды
Жаңалықтар
06.05.2025
«Батырлар ұраны» шырқалған кеш
Аймақтар
06.05.2025
Семейде өрт сөндіру пойызы қоймадағы өртті өшірді
Спорт
06.05.2025
Семейлік теміржолшы жүзден жүйрік шықты
Темір жол тарихы
06.05.2025
Жеңіс рухын сөндірмеген Қызылорда алауы
Аймақтар
06.05.2025
Арыстағы «Батырлар аллеясы»
Спорт
06.05.2025
Машинистер сайысы
Темір жол тарихы
06.05.2025
Майданға тартылған мұнай жолы
Қауіпсіздік
06.05.2025
Теміржолдағы тәртіп – адам өмірінің кепілі
Темір жол тарихы
06.05.2025
Ешкім де, ештеңе де ұмытылмайды