Логистика білгірі

ҚТЖ келбеті
07.03.2024, 12:36
Қуаныш Қожаев

Абай облысы бойынша меншікті тілші

Семей өңіріндегі 2-ші класты учаскелік Дегелең станциясының бөлімше бойынша жүк тиеудегі үлесі 50 пайыз шамасында. Негізгі жүк көмір – аймақ экономикасының өсуіне зор ықпалын тигізуде. Ал осы жүктердің еліміз бен іргелес мемлекеттерге логистикасын ұйымдастыру – Самал Тұрсынханованың мойнына артылған міндет. Ол Дегелең станциясы бастығының логистика бойынша орынбасары.  

Сондықтан Самал Көшкінбекқызын қашанда қайнаған еңбектің бел ортасынан табасыз. Биыл 75 жылдығын атап өтетін осынау станцияда кейіпкеріміздің жұмыс істеп жатқанына ширек ғасырға таяпты. Осында туып-өсіп, теміржолшылар отбасында тәрбиеленген. Заманында Семей ядролық сынақ полигонының құпия нүктесі саналған станцияның тарихын бес саусақтай білетін бірегей маман.  

– Дегелең станциясының тасы 187 шақырымдық Ақсу – Дегелең теміржол желісі іске қосылған сәт, 2001 жылдан бастап өрге домалай бастады. Алғашқы жолаушылар пойызы мен іргедегі Қаражыра кенішінің ашылуына байланысты жүк тасымалы да осы жылдары жүргізіле бастады. Жыл санап станция ауқымы кеңейіп, жөнелтілетін жүк көлемі де артуда. Осыдан біраз жыл бұрын көмір тасымалын жазғы мезгілден бастау шарасы қолға алынып, сәйкесінше жұмыс барысы тіптен ширай түсті, – дейді Самал Көшкінбекқызы.  

Ең алғаш ол станцияға жүк пен багажды қабылдаушы болып анасының қасына жұмысқа тұрыпты.  Қара жұмыстан қағазбен жұмыс істейтін кеңсе қызметіне дейінгі барлық сатыдан өтіпті. Осы қызмет сатылары оның тісқаққан тәжірибелі маманға айналуына себепші болды.  

– Қаражыра көміріне тапсырыс берушілер қатары жыл санап артып келеді. Қосымша тапсырыстар көп. Дегелең станциясындағы жүк цехында қашанда қарбалас тірлік. Осы кезде біз логистика және тасымалды ұйымдастыру ісінің білгірі Самал Көшкінбекқызының мол тәжірибесіне арқа сүйейміз. Аға буын өкілінің жастарға үйретері көп, – дейді станция бастығы Талғат Баширов.

Станциядағы жұмыс туралы еркін сөйлесетін Самал Көшкінбекқызы өзі хақында көп сөзге жоқ екен. Мақтағанды ұнатпайды. Әйтсе де, әр жылдарда Семей ЖТ бөлімшесі басшылығынан бастап, ұлттық компания басшылығы, Курчатов қаласы әкімдігінің тарапынан алған марапаттары мол. Десек те, 8 Наурыз – Халықаралық әйелдер күні мерекесінде әріптестері ең әуелі Самал Тұрсынханованы құттықтайды. Осының өзі майталман маманның ұжымдағы орны мен абыройын айғақтаса керек.  

 

Жаңалықтар
15.04.2024
ҚТЖ арнайы техниканы су тасқыны болған аймақтарға жеткізуді жалғастыруда
Жаңалықтар
15.04.2024
Жыл басынан бері 4,7 млн тоннадан астам мұнай өнімі тасымалданды
Жаңалықтар
15.04.2024
Су басқан аймаққа Түркістан өңіріндегі теміржолшылар да атсалысуда
Аймақтар
15.04.2024
Талас станциясынан 24 арнайы ауыр техника тиеген құрам жолға шықты
Жаңалықтар
15.04.2024
Су тасқыны кезінде 21 мыңға жуық адам ҚТЖ пойыздарымен тасымалданды
Аймақтар
15.04.2024
Ақтөбеге ауыр техникалар келді
Аймақтар
15.04.2024
Қызылордадан БҚО-ға жүк пойыздарына тиелген 106 арнайы техника жөнелтілді
Аймақтар
15.04.2024
Атыраулық теміржолшылар су тасқынына қарсы жұмыстарға атсалысып жатыр
Жаңалықтар
13.04.2024
Қазақстан теміржолшылары жаппай сенбілік өткізді
Жаңалықтар
13.04.2024
Ұлттық тасымалдаушы тағы үш қосымша пойыз тағайындайды
Жаңалықтар
13.04.2024
ҚТЖ пойыз билеттерінің құнын бұрынғы деңгейде сақтайды
Аймақтар
12.04.2024
Маңғыстау станциясынан Атырауға техника, құрал-жабдықтар жөнелтілуде
Жаңалықтар
12.04.2024
Су тасқыны: техникалар ҚТЖ пойыздарымен тасымалданды
Қауіпсіздік
12.04.2024
Жол бойындағы төрт түлік жолаушылардың өміріне қауіп төндіріп тұр
Темір жол тарихы
12.04.2024
Қазақ темір жолының 120 жылдығына орай көрме өтті
Жүк тасымалы
12.04.2024
Жүктерді темір жол көлігімен тасымалдау бірінші тоқсанда 2,4% өсті
Жаңалықтар / Мұрағат
12.04.2024
«Қазақстан теміржолшысы» газеті, №32 12 сәуір 2024 жыл
Қауіпсіздік
12.04.2024
Темір жолды белгіленбеген жерден кесіп өткен 11 мыңнан астам азамат әкімшілік жауапкершілікке тартылды
Аймақтар
12.04.2024
Атырауда методикалық сабақ өтті
Жаңалықтар
12.04.2024
Вокзал маңы абаттандырылады