Қас қағым сәт, қырық жыл...

ҚТЖ келбеті
05.08.2025, 10:27
Суретті түсірген автор
Ардақ Ерубаева

Ақтөбе облысы бойынша меншікті тілші

Бақай станциясында 40 жыл кезекшілік еткен Әсия Ильясованың еңбегі көпке үлгі. Қауіптің алдын алып, бекетті өрттен аман алып қалған ол теміржолшы мамандығы өзіне келіндік статуспен келгенін жасырмайды.

Әсия Ильясова – теміржолшылар династиясының өкілі, шынын айтқанда сол әулеттің келіні. Ол 40 жыл Бақай станциясында тапжылмай еңбек етті. Ақтөбе жүк тасымалы бөлімі теміржолшының тиянақтылығы мен қырағылығын жоғары бағалайды. Бақай станциясының кезекшісі ақпаратты дер кезінде жеткізіп, бекет ғимаратындағы өрттің алдын алған ерлігі де ескерусіз қалған жоқ.  

«Бұл жақында болған жағдай. Сол кезде жұмыста едім. Оқиғаны көрген бойдан бірден хабар бердім. Қауіптің алдын алуға барынша әрекет жасадым. Басшылық та, өрт қызметі де дер кезінде келді», – деді кейіпкеріміз.  

Әсия Ильясова 60 жаста. Хромтау ауданы Мағаджан ауылының тумасы. 1985 жылдан теміржол саласында еңбек етеді. Кезінде Бақай станциясына станция кезекшісі болып жұмысқа орналасқанда небәрі 20 жаста еді. Оқудан кейін алты ай тәжірибелі теміржолшылардан практикалық білім алды. Кейін жұмысқа қабылданады. Биыл қарашада станция кезекшісі болып жүргеніне бақандай 40 жыл.  

Жолдасы Ғани Ильясов 20 жыл осы станцияны басқарды. Еңбек жолын қарапайым жолшы болып бастаған. Отбасылық жағдайға байланысты станция кезекшілігіне ауысқан. Ата-енесі де 40 жылдан аса темір жолда еңбек еткен адамдар. Бар ғұмырын теміржолға арнаған. Қазір олардың еңбек жолын осы балалары жалғастыруда.  

Кейіпкеріміздің бұл саладағы еңбек жолының басталуы да қызық. 20 жастағы қаршадай қыз теміржолшылар отбасына келін болып түсіп осы шаңырақтың ғана емес, осы саланың табалдырығынан аттаған. Сол кезден бастап теміржолшы деген статус алғанын еске түсірді.  

«Теміржолшылар отбасына келін болып түсіп, станцияға жұмысқа кірген соң үлкендердің ақылымен қосымша оқыдым, білім алдым. Себебі ауылдық жерде басқа жұмыс табу қиын. Теміржолшы болу – тұрақтылық, жұмыспен қамтылу еді. Өміріміз осы темір жолдың бойында өтіп жатыр. Темір жол біз үшін жай мамандық емес. Ол – өмір. Біздің әулеттің тарихы. Титтей болсын сол саланың бір бөлігіміз. Кезінде осы әулетпен, осы мамандықпен табыстырған тағдырыма ризамын», – деді ол ағынан жарылып.  

Ол 40 жыл бұрын шағын станция арқылы пойыздар өте көп өтетінін еске алды. Бір ауысымда 20 пойыз қабылдап, жіберген. Бақай станциясында қазір 3 жол. Бұрын тұйықтарды қосқанда 8 жол болған. Станция бастығын қосқанда 6 адам жұмыс істейді. Бір отбасы секілді. Әркімнің міндеті, жауапкершілігі бар. Қазір заман талабына сай станциядағы қондырғылар жаңартылған. Толықтай автоматтандырылған жүйемен жұмыс істейді. Бұл жерден Тальго пойызы, қалаішілік, жүк, жолаушылар пойызы өтеді. Станция шағын ауылдың жүрегі секілді. Дем беріп тұр. Ал Әсия шағын станцияның сол тіршілігіне өз үлесін қосып отырғанына дән риза.  

 

Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды