Жүрек қалауымен таңдаған мамандық

ҚТЖ келбеті
29.09.2019, 14:05
Сұлугүл Бакесова

«Қазақстан теміржолшысы» газетінің тілшісі

«ҚТЖ-Жүк тасымалы» акционерлік қоғамында Тартымдық жылжымалы құрам және пайдалану басқармасына жетекшілік етіп отырған Серік Әбеновтің теміржол саласында ат ауыстырмай еңбек етіп жатқанына қырық жылдай болыпты.

«Целиноград қаласының тумасымын. 1979 жылы теміржол техникумын «Тепловоз шаруашылығы» мамандығы бойынша бітіре сала әскерге алынып, онда да теміржол саласын оқығаным септігін тигізіп, мені машинистерді дайындайтын мектепке алты айлық курсқа жіберді. Оны бітіріп, бір жарым жыл машинист болып жұмыс істеп, стратегиялық маңызға ие ракеталарды тасымалдағанымды мақтан тұтамын» деп еске алады кейіпкеріміз.

Азаматтық борышын өтеп келген соң Серік Қоқашұлы Целиноград локомотив пайдалану депосына машинист көмекшісі болып жұмысқа орналасады. Кейін инженер-технолог қызметінде тәжірибе жинақтайды. Сосын Целиноград тасымалдау бөлімшесінде аға локомотив диспетчері, Тың темір жолының шұғыл жұмыстар жөніндегі басшысының орынбасары сияқты жауапты қызмет сатыларынан өтеді. 1998 жылы «Қазақстан темір жолы» РМК құрылғанда, Статистика басқармасына бас ревизор болып орналасады. Ал 2004 жылы Ұлттық компания құрамында «Локомотив» АҚ ашылғанда білікті маманды кәсіпорын басшылығы шұғыл-тарату жұмыстары бөлімін басқаруға шақырады. Ол жердегі жұмыс өте жауапты: барлық пойыздарды локомотив тартымымен уақытылы қамтамасыз ету болатын. 2016 жылы «Локомотив» АҚ таратылып, локомотив шаруашылығы «ҚТЖ-Жүк тасымалы» АҚ басқарылымына берілген кезден бері кейіпкеріміз Тартымдық жылжымалы құрам және пайдалану басқармасына жетекшілік етіп келеді.

«Қазір еліміздегі локомотив паркіндегі тепловоздардың басым бөлігі заманауи, отандық өндірістен шыққан. Әрі олардың жөндеуаралық мерзімі ұзақ. Олар 120 күннен кейін ғана жөндеуге кіреді. Бұл локомотивтердің қуаттылығы жоғары болғанына қарамастан жанар-жағармайды аз жейді. Жаңа тепловоздарды пайдалана бастағаннан бері отын шығыны төмендеді. Есесіне, жүк салмағын көтердік, қызмет көрсету иіні ұзарды. Яғни, жаңа тепловоздарда машинистерге қолайлы жағдай жасалған, қыста пеші, жазда желдеткіші жақсы жұмыс істеп тұр. Тамақ жылытатын қысқатолқынды пеші, тіпті шағын тоңазытқыштары да бар. Мұндай жағдай машинистерге жағымды әсер етіп, олардың шаршамай жұмыс істеуіне мүмкіндік беріп отыр. Бұрын 150 км жол жүретін машинистер қазір заманауи локомотивтердің арқасында 300-350 км жолды еш қиналмай жүріп келе береді. Соның арқасында жүкті жеткізу мерзімі де жеделдетілді. Десе де, күніне бірнеше мыңдаған тонна жүкті, жүздеген жолаушыны тасымалдайтын машинистердің жұмысы аса жауапты әрі күрделі екенін Компания басшылығы ескеріп, оларды 57 жастан бастап салалық жәрдемақыға шығарып отыр. Әрине, денсаулығына шағымы жоқ машинистердің 63 жасқа дейін жұмыс істеуі де қарастырылған. Енді бұл әркімнің денсаулығына байланысты өз қалауы», – деп сөз түйіндейді Серік ағамыз. Жұмыс көрсеткіштерін жақсартуға үлес қосып, сапалы да сауатты жұмысымен дараланған Серік Әбенов «Адал еңбегі үшін» медалімен марапатталған. Ал биылғы көлік қызметкерлері күніне орай «Құрметті теміржолшы» белгісін төсіне тақты.   

Жаңалықтар / Мұрағат
21.05.2024
«Қазақстан теміржолшысы» газеті, №43 21 мамыр 2024 жыл
Жаңалықтар
20.05.2024
14 бағыт бойынша билеттерді «Саяхатшы» дисконттық картасы арқылы жеңілдікпен сатып алуға болады
Жаңалықтар
20.05.2024
Биыл 140 жаңа вагон жолаушыларға пайдалануға берілмек - Көлік министрлігі
Аймақтар
20.05.2024
Теміржол саласындағы терминдер мемлекеттік тілде «сөйлей» бастады
Спорт
20.05.2024
Иорданияда үстел теннисінен өткен жарыста маңғыстаулық теміржолшы топ жарды
Жаңалықтар
20.05.2024
Қазақстаннан Қытайға темір жол арқылы жүк экспорты 21 ға өсті%
Аймақтар
20.05.2024
Семей орманында оқу-жаттығу өтті
Жаңалықтар
20.05.2024
Атырау станциясына жаңа басшы тағайындалды
Аймақтар
20.05.2024
Белгі беру-байланыс құрылғыларына күнделікті күтім жасалады
Жүк тасымалы
17.05.2024
Транскаспий дәлізі арқылы теңіз порттарында жүктерді ауыстырып тиеу көлемі артты
Спорт
17.05.2024
Маңғыстау темір жолының 60 жылдығына орай шағын футболдан жарыс өтті
Қауіпсіздік
17.05.2024
Тілсіз жаудан сақтануда тәжірибе маңызды
Жүк тасымалы / Инфографика
17.05.2024
Биыл 4 айда теміржол көлігімен 81 млн тоннадан астам жүк тасымалданды
Қауіпсіздік
17.05.2024
Жолаушылар эвакуацияланды
Жаңалықтар
17.05.2024
Мектеп түлектері ҚТЖ мүмкіндіктерімен танысты
Қауіпсіздік
17.05.2024
Жол картасы: қауіпсіздік деңгейі артуда
Жаңалықтар / Мұрағат
17.05.2024
«Қазақстан теміржолшысы» газеті, №42 17 мамыр 2024 жыл
Жаңалықтар
16.05.2024
Қазақстан мен Латвия Транскаспий дәлізін дамыту туралы меморандумға қол қойды
Жолаушылар тасымалы
16.05.2024
ҚТЖ жазда 4,2 млн-нан астам жолаушыны тасымалдамақ
Жаңалықтар
16.05.2024
Қазақстанның iшкi су жолдарында жүк кемелері жүре бастады