Дегеніңе жет, Қуаныш!

ҚТЖ келбеті
24.01.2020, 13:15
Сұлугүл Бакесова

«Қазақстан теміржолшысы» газетінің тілшісі

Астана вагон пайдалану депосында кілең сайдың тасындай мықты жігіттер жұмыс істейді. Солардың бірі Қуаныш Кенжебектің осы депода несібесін теріп жүргеніне жеті жыл. Жауапкершілігімен қатар қиындығы мол вагон қараушы кәсібіне екінің бірі шыдай алмайды. Сондықтан ол жігіттің жігітіне сын мамандықты меңгергенін мақтан тұтады.

Түркістан облысына қарасты Жетісай ауданының тумасы Қуаныш өзінің құрдас замандастары сияқты жас астанаға арман қуып келіпті. Қазақ көлік және коммуникациялар колледжінде вагон шаруашылығы мамандығын таңдап, оқу орнын бітіріп шығады.

Диплом алған жас жігіт туып-өскен жайма-шуақ оңтүстігін қаңтарда аязды, ақпанда ақ түтек боранды, көктем-күзі жауын-шашынды, жаз тіпті болмайтын Арқаға ауыстырып, нартәуекел деп еңбек етуге бел буа кіріседі.

Еңбек жолын үшінші дәрежелі слесарьдан бастаған ол көп білсем деген білімқұмарлығы мен табанды еңбекқорлығының арқасында жеті жыл ішінде 7-ші дәрежелі слесарь әрі аға вагон қараушы деңгейіне көтеріледі.

«Мен өз кәсібімді жақсы көремін. Менің әкешешемнің теміржол саласына еш қатысы жоқ. Кейде теміржолшы әулетінен шыққандар ғана нағыз теміржолшы бола алады деп жатады адамдар. Мен онымен келіспес едім. Меніңше, өз мамандығын шынайы сүйген адам ғана өз ісінің майталманы болатын сияқты. Әрине, менің әлі шыңдалуым, білімімді жетілдіруім қажет. Осы бағытта ізденіп те жүрмін. Жұмыс істеп жүріп, сырттай Алматыда КУПС-ті бітірдім. Техникалық сабақтарды қалдырмауға тырысамын. Қолым боста нұсқамаларды, қауіпсіздік техникасы ережелерін терең меңгергім келеді», – дейді аға вагон қараушы.

Қуаныш өз ауысымындағы майталман мамандарды мақтан тұтады. Олардың арасында Құрметті теміржолшылар, «Қозғалыс қауіпсіздігі үшін» медалімен марапатталғандар барын және бұл атақ-дәрежеге олар адал еңбектерімен жеткендерін айтады.

«Қиын да күрделі ақауды бірнеше мәрте анықтаған мамандар бар. Олар өз тәжірибелерімен бөлісіп отырады. Бұл біз үшін үлкен тәжірибе мектебі, жұмыс барысында көп көмектеседі», – дейді Қуаныш.

Қуаныштың да өзі бір жолы дөңгелек жұбынан, букстан анау айтқан күрделі болмаса да ақау тапқанын мақтанышпен айтып берді. Алдағы уақытта өз ісінің майталманы болып, аты аңызға айналған алдыңғы буын ағалары құсап ерен еңбегімен елге танылып, «Құрметті теміржолшы» белгісінің иегері болу арманы екенін де жасырмады. Несі бар, болашағы алда жас жігітке бәрі де жарасады дер едік. Дегеніңе жет, Қуаныш!

Жаңалықтар
28.03.2024
Қазақстан «Солтүстік – Оңтүстік» дәлізін дамытуда көрші елдермен ынтымақтасуға дайын – Тоқаев
Аймақтар
28.03.2024
Әз-наурыз қасиет дарып, құт қонған Түркістанда өтті
Аймақтар
28.03.2024
Берекелі мереке
Инфрақұрылым
28.03.2024
Аққұм – Талап учаскесінде күрделі жөндеу басталды
Аймақтар
28.03.2024
Достық станциясында «Қыз сыны» байқауы өтті
Аймақтар
28.03.2024
Атырауда Наурыз мейрамы жалпыхалықтық сипат алды
Жаңалықтар
28.03.2024
KTZ Express және Chengdu International Railway Port Investment & Development Co Ltd келіссөздер жүргізді
Жаңалықтар
28.03.2024
Ұлттық дәстүр ұлықталған күн
Жаңалықтар
28.03.2024
Қытайлық серіктестермен ынтымақтастық перспективалары талқыланды
Жаңалықтар
27.03.2024
Қауылжыр станциясында пойыздар қозғалысы қалпына келтірілді
Жаңалықтар
27.03.2024
Теміржолдағы су тасқыны жағдайы күнделікті бақылауда
Жаңалықтар
27.03.2024
Батыр Котырев ҚТЖ корпоративтік омбудсмені болып тағайындалды
Жолаушылар тасымалы
26.03.2024
Көктемгі мереке күндері 860 мыңнан астам жолаушы ҚТЖ пойыздарын пайдаланды
Аймақтар
26.03.2024
Қазалы теміржолшылары сенбілік өткізді
Жаңалықтар
26.03.2024
Екі елдің кәсіподағы бас қосты
Инфрақұрылым
26.03.2024
Атырауда жолды күрделі жөндеу жұмыстары басталды
Әлемде
26.03.2024
Қытай сутегімен жүретін пойызын сынақтан өткізді
Жаңалықтар
25.03.2024
Қытай 10 жылда Еуропаға 85 мың контейнерлік пойыз жіберген, оның 80%-ы Қазақстан арқылы өтті
Жолаушылар тасымалы
22.03.2024
Пойызда тұсау кесер рәсімі өткізілді
Жаңалықтар
20.03.2024
ҚТЖ мен Түркістан облысының әкімдігі меморандумға қол қойды