Шұғыл тежеу көбейген
Атырау облысы бойынша меншікті тілші
Төрт түліктің пойыздың жолына шығып кетуі – шешілмей келе жатқан проблемалардың бірі. Осы себептен Атырау магистральдық желі бойынша былтыр пойыздарды шұғыл тежеу 31 жағдайға көбейіп кеткен.
Яғни жолға шығып кеткен қараусыз малды басып кетудің алдын алу үшін машинистер өткен жылы 86 шұғыл тежегішті қолданып, пойызды тоқтатқан.
– Айта кететін жайт, аталған оқиғалардың дені түнгі уақытта орын алуда, ол машинистердің жұмысына айтарлықтай қиындық келтіріп отыр. Әрине мал басу, шұғыл тежеу қолдану жағдайларына талдау жасалып, сол учаскелерде малға қоршау тұрғызу жұмыстары жоспарлануда және жергілікті әкімдермен бірлесіп мал иелерімен түсіндірме жұмыстары жүргізілуде. Сонымен қатар бөлімше қызметкерлері жол бойын аралап, қоршауларды тексеріп, басқа да профилактикалық жұмыстар өткізуде. Соның нәтижесі болар, байқағанымыздай, шұғыл тежеу артқанмен, мал басудың бірде-бір оқиғасы тіркелмепті, – дейді бас инженер А.Рахмеденов.
Сондай-ақ біраз учаскелерде мал қоршаулары жөндеуден өткізілген және көпірлер мен су өткізгіш құбырлар тазартылып, эстетикалық келбетке келтірілді.