Маңғыстау теміржолының үздіктеріне сый-сияпат жасалды

Маңғыстау теміржолы үшін өткен отыз жыл жетістіктерге толы болды. Тәуелсіздіктің 30 жылдығына орай өткен салтанатты жиында Мұнайлы ауданының әкімі Рахат Елтизаров өңір теміржолының даму үдерісін сөз етіп, теміржолшылардың ерен еңбегіне алғыс айтты. Маңғыстау қосалқы бөлімшесінің бастығы Нәжімеден Ғұбашов пен Маңғыстау магистральдық желі бөлімшесінің директоры Жарылғап Дүйсенбай саланың дамуына еңбегі сіңген бір топ теміржолшыны марапаттады. Маңғыстау белгі беру және байланыс дистанциясының бас инженері Кеңғали Асқанбаев пен Маңғыстау жол дистанциясының бастығы Бекберген Құрбанов «Құрметті теміржолшы» төсбелгісін тақса, Өзен станциясының бастығы Самат Сариев «Үздік басшы», Маңғыстау магистральдық желі бөлімшесінің бухгалтері Актилеш Баймухашева «Үздік маман» атанды. Наптал Сахабаев, Мустафа Қожбанов, Ернар Айдарханов, Сайфуллин Тышқанбаев, Игілік Машырыков «Адал еңбегі үшін» медалімен марапатталса, вагон қараушы Жанарбек Якупбаев үшінші рет «Қозғалыс қауіпсіздігі үшін» төсбелгісінің иегері атанды. «Қазақстан тәуелсіздігіне 30 жыл» мерекелік медалін Шетпе станциясының бастығы Бәлібек Есенгелдиев, Теміржолшылар Кәсіби одағы орталық кеңесінің Маңғыстау аймағы бой- ынша өкілі Әзірбай Тұрмағанбетов, Маңғыстау станциясының бастығы Бағыбай Исатаев, Маңғыстау жүк тасымалы бөлімшесі персоналды басқару бөлімінің бастығы Екпін Қожахметов алды. Сондай-ақ, тағы жиырмаға жуық сала қызметкері «ҚТЖ» АҚ Президентінің Құрмет грамотасы мен Алғыс хатын алды. Маңғыстау станциясының кезекшісі Гүлнар Төлегенова, Бейнеу жол дистанциясының жол шебері Талғат Есжанов пен Маңғыстау байланыс дистанциясының аға электромеханигі Ерлан Сарыбаев «Кәсібі бойынша үздік» белгісін, Маңғыстау станциясының инспекторы Айнұр Искалиева «Әске- рилендірілген теміржол күзетіне 100 жыл» төсбелгісін тақты. Мереке концерттік бағдарламамен жалғасты.